Buxgalteriya hisobining milliy standarti (21-son bhms)

T/r	Xo‘jalik muomalalarining mazmuni
Schyotlarning bog‘lanishi
Debet	Kredit
1	Kapital qo‘yilmalar bilan bog‘liq sug‘urta to‘lovlari bo‘yicha qarz summalari	0810-0890	6510
2	Sug‘urta bo‘yicha hisoblangan to‘lovlar korxona xarajatlariga o‘tkazildi	Xarajatlarni hisobga oluvchi schyotlar	6510
3	Hisoblangan sug‘urta to‘lovlari summasi bankdagi schyotlardan to‘landi	6510	5110-5530
4	Korxona xodimi hisobidan maqsadli davlat jamg‘armalariga ajratmalar qilindi	6710	6520
5	Korxona xodimi hisobidan maqsadli davlat jamg‘armalariga ajratmalar qilindi	Xarajatlarni hisobga oluvchi schyotlar	6520
6	Maqsadli davlat jamg‘armalariga ilgari hisoblangan summalar o‘tkazib berildi	6520	5110-5530

7-§. Ta’sischilarga bo‘lgan qarzlarni
hisobga oluvchi schyotlar (6600)

280. Korxonaning ta’sischilar oldida dividendlar bo‘yicha va chiqib ketayotgan ta’sischilar oldida ularning ulushlari hamda ta’sischilarga ta’sis hujjatlaridagi o‘zgartirishlar davlat ro‘yxatidan o‘tkazilgangacha kiritilgan ulushlar bo‘yicha joriy majburiyatlari to‘g‘risidagi axborotlarni umumlashtirish quyidagi schyotlarda amalga oshiriladi:

6610 “To‘lanadigan dividendlar”;
6620 “CHiqib ketayotgan ta’sischilarga ulushlari bo‘yicha qarzlar”.
6630 “Ta’sischilarning ustav kapitalini oshirish bo‘yicha ulushlari”

281. Korxona rahbariyati tomonidan aksiyalarga dividendlar to‘lash to‘g‘risida qaror e’lon qilinganidan so‘ng, dividend summasi joriy majburiyat sifatida aks ettiriladi. Dividendlar aksiyalar bo‘yicha qonunchilikka muvofiq taqsimlanadi.

282. 6610 “To‘lanadigan dividendlar” schyoti hisoblangan dividend summasiga 8710 “Hisobot davrining taqsimlanmagan foydasi (qoplanmagan zarari)” schyoti bilan bog‘langan holda kreditlanadi.

283. 6620 “CHiqib ketayotgan ta’sischilarga ulushlari bo‘yicha qarzlar” schyotining kredit tomonida korxonaning chiqib ketayotgan ta’sischisi ulushlari bo‘yicha hisoblangan majburiyatlari summasi 8330 “Pay va ulushlar”, 8610 “Sotib olingan xususiy aksiyalar - oddiy”, 8610 “Sotib olingan xususiy aksiyalar - imtiyozli” schyotlari bilan bog‘langan holda aks ettiriladi.

6610 “To‘lanadigan dividendlar”, 6620 “CHiqib ketayotgan ta’sischilarga ulushlari bo‘yicha qarzlar” schyotlari bo‘yicha analitik hisob (ko‘rsatuvchiga aksiyalardan tashqari) har bir ta’sischi bo‘yicha alohida yuritiladi.
283¹. 6630 “Ta’sischilarning ustav kapitalini oshirish bo‘yicha ulushlari” schyotida ta’sischilarga ta’sis hujjatlaridagi o‘zgartirishlar davlat ro‘yxatidan o‘tkazilgangacha kiritilgan ulushlar bo‘yicha joriy majburiyatlar aktivlarni hisobga oluvchi tegishli schyotlar bilan bog‘langan holda aks ettiriladi.

284. Ta’sischilarga bo‘lgan qarzlarni hisobga oluvchi schyotlar (6600)ning boshqa schyotlar bilan bog‘lanishi: