Buxgalteriya hisobining milliy standarti (21-son bhms)

T/r	Xo‘jalik muomalalarining mazmuni
Schyotlarning bog‘lanishi
Debet	Kredit
1	Bevosita mahsulot ishlab chiqarish (ish bajarish, xizmat ko‘rsatish)da qatnashadigan asosiy vositalarning eskirishi	2010	0211-0299
2	Mahsulot ishlab chiqarish, ish bajarish va xizmat ko‘rsatishga taalluqli bo‘lgan nomoddiy aktivlarning amortizatsiyasi	2010	0510-0590
3	To‘g‘ri material xarajatlari mahsulot ishlab chiqarish, ish bajarish va xizmat ko‘rsatishga hisobdan chiqarildi	2010	1010-1090
4	CHorvachilik mahsulotini olish uchun hayvonlarni so‘yish (hayvonlar qiymati)	2010	1110, 1120
5	Materiallar qiymatidagi farq tegishli ulushlarda asosiy ishlab chiqarishga hisobdan chiqarildi	2010	1610
6	O‘zida ishlab chiqarilgan yarim tayyor mahsulotlarni qayta ishlash uchun asosiy ishlab chiqarish sexlariga chiqarish	2010	2110
7	YOrdamchi sexlarning xarajatlarini asosiy ishlab chiqarishning mahsuloti va xizmatlari tannarxiga kiritish	2010	2310
8	Umumishlab chiqarish xarajatlarining asosiy ishlab chiqarish mahsuloti va xizmatlarining tannarxiga kiritilishi	2010	2510
9	YAroqsiz mahsulotlar hisobiga yo‘qotishlar asosiy ishlab chiqarish mahsuloti va xizmatlarlari tannarxiga kiritildi	2010	2610
10	Ilgari kelgusi davr xarajatlari sifatida aks ettirilgan xarajatlarning tegishli ulushi mahsulot tannarxiga olib borildi	2010	3110-3190
11	Kirim qilingan tayyor mahsulotning ombordan sexlarga qayta ishlash va hokazo uchun qaytarilishi	2010	2810
12	Tovarlar qayta ishlashga berildi	2010	2910-2990
13	Ishlab chiqarish uchun bevosita sexlarga kelib tushadigan moddiy qiymatliklar va xizmatlar olindi	2010	6010
14	Qondirilmagan da’volar summasi asosiy ishlab chiqarish mahsulotlari, ish va xizmatlarining tannarxiga kiritildi	2010	4860
15	Asosiy ishlab chiqarishdagi sug‘urta xarajatlari	2010	6510
16	Asosiy ishlab chiqarishga tegishli yagona ijtimoiy to‘lov bo‘yicha xarajatlar	2010	6520
17	Asosiy ishlab chiqarish xodimlariga mehnat haqi to‘lash bo‘yicha summalar hisoblandi	2010	6710
18	Hisobdor shaxslar tomonidan amalga oshirilgan asosiy ishlab chiqarish xarajatlari	2010	4220-4290, 6970
19	Asosiy ishlab chiqarish sexlariga turli korxonalarga ular tomonidan ko‘rsatilgan xizmatlar uchun qarzlar	2010	6990
20	Ajratilgan bo‘linmalar, sho‘‘ba va qaram xo‘jalik jamiyatlarining asosiy ishlab chiqarish ehtiyojlarga qilgan xarajatlari	2010	6110, 6120
21	Asosiy sexlarda aniqlangan tugallanmagan ishlab chiqarishning ortiqchalari kirim kilindi	2010	9390
22	Materiallarning asosiy ishlab chiqarishdan qaytarilishi; o‘zida ishlab chiqarilgan materiallar, shuningdek qaytariladigan chiqindilarning kirim qilinishi	1010-1090	2010
23	Hayvonlarni o‘stirish va bo‘rdoqiga boqish bo‘yicha joriy xarajatlarning xayvonlar tannarxiga (o‘sish va ortgan vaznning) kiritilishi; hayvonlar naslining aks ettirilishi	1110, 1120	2010
24	Tugallanmagan mahsulotni qayta baholash: a) qiymatining oshirilishi; b) qiymatining kamaytirilishi.	2010 3290	6230 2010
25	O‘zida ishlab chiqarilgan yarim tayyor mahsulotlar operatsiyalararo omborlarga kirim qilindi (yarim tayyor mahsulot holida)	2110	2010
26	Asosiy ishlab chiqarishda aniqlangan to‘g‘irlanmaydigan yaroqsiz mahsulotdan yo‘qotishlar hisobdan chiqarildi	2610	2010
27	Mahsulotni xaqiqiy tannarx bo‘yicha ishlab chiqarish	2810	2010
29	Asosiy sexlarda bajarilgan ish yoki ko‘rsatilgan xizmatlarning sotilishi; tugallangan va buyurtmachi tomonidan qabul qilingan ishlarning bosqichlari bo‘yicha xarajatlar summasining hisobdan chiqarilishi	9130	2010
30	Boshqa chiqib ketgan (tekinga berish va boshqalar) mahsulot tannarxining hisobdan chiqarilishi	9110	2010
31	Tabiiy ofatlar, yong‘in va shu kabilar natijasida tugallanmagan ishlab chiqarishdagi yo‘qotishlar hisobdan chiqarildi	9720	2010
32	Asosiy ishlab chiqarishda aniqlangan moddiy qiymatliklarning kamomadi	5910	2010

6-§. O‘zida ishlab chiqarilgan yarim tayyor
mahsulotlarni hisobga oluvchi schyotlar (2100)

121. O‘zida ishlab chiqarilgan yarim tayyor mahsulotlarning alohida hisobini olib boradigan korxonalarda ularning mavjudligi va harakati to‘g‘risidagi axborotlarni umumlashtirish 2110 "O‘zida ishlab chiqarilgan yarim tayyor mahsulotlar" schyotida amalga oshiriladi.

Ushbu schyotda korxonaning o‘zida ishlab chiqarilgan (ishlab chiqarishning to‘liq siklida) yarim tayyor mahsulotlardan: qora metallurgiyada qayta ishlanuvchi cho‘yan; texnik rezina sanoatida xom rezina va elim; kimyo sanoatining azotli o‘g‘it kombinatlaridagi sulfat kislota; to‘qimachilik sanoatida yigirilgan ip, xom surp va hokazo aks ettirilishi mumkin.
YUqorida keltirilgan qiymatliklar boshqa korxonalarda tugallanmagan ishlab chiqarish tarkibida, ya’ni 2010 "Asosiy ishlab chiqarish" schyotida aks ettiriladi.
2110 "O‘zida ishlab chiqarilgan yarim tayyor mahsulotlar" schyotining debetida 2010 "Asosiy ishlab chiqarish" schyoti bilan bog‘langan holda yarim tayyor mahsulotlarni ishlab chiqarish bilan bog‘liq xarajatlar aks ettiriladi. 2110 "O‘zida ishlab chiqarilgan yarim tayyor mahsulotlar" schyotining kreditida 2010 "Asosiy ishlab chiqarish" schyoti bilan bog‘langan holda qayta ishlashga berilgan va 9110 "Sotilgan tayyor mahsulotlarning tannarxi" schyoti bilan bog‘langan holda boshqa korxonalarga sotilgan yarim tayyor mahsulotlarning tannarxi aks ettiriladi.
2110 "O‘zida ishlab chiqarilgan yarim tayyor mahsulotlar" schyoti bo‘yicha analitik hisob yarim tayyor mahsulotlarning saqlanish joylari va alohida nomlari (turlari, navlari, miqdorlari va shu kabilar) bo‘yicha yuritiladi.

122. O‘zida ishlab chiqarilgan yarim tayyor mahsulotlarni hisobga oluvchi schyotlar (2100)ning bog‘lanishi: