Buxgalteriya hisobining milliy standarti (21-son bhms)

T/r	Xo‘jalik muomalalarining mazmuni
Schyotlarning bog‘lanishi
Debet	Kredit
1	Boshqa shaxslardan va aholidan xarid qilingan hayvonlar kirim qilindi	1110, 1120	6990
2	Boshqa shaxslardan va aholidan xarid qilingan hayvonlar kirim qilindi (1500-schyotdan foydalanilganda)	1510	6990
3	Hayvonlarning ortgan vazni va o‘sishining kirim qilinishi	1110, 1120	2010, 2710
4	Mol etkazib beruvchilardan xarid qilingan yosh hayvonlar kirim qilindi	1110	6010
5	Undirilmaydigan da’volar summasining hisobdan chiqarilishi	1110, 1120	4860
6	Hayvonlarni etkazib kelish bo‘yicha hisobdor shaxslarning xarajatlari	1110, 1120	6970
7	Ta’sischilardan ulush sifatida olingan yosh hayvonlarning kirim qilinishi	1110	4610
8	Yirik shoxli qoramollar nasllarining kirim qilinishi	1110	2010, 2710
9	Ishchi otlar nasllarining (toychoqlar) kirim qilinishi	1110	2310
10	Boshqa shaxslardan tekinga kelib tushgan yosh hayvonlarning kirim qilinishi	1110	8530
11	YOsh xayvonlarning asosiy podaga o‘tkazilishi	0840	1110
12	Inventarizatsiya natijasida aniqlangan chetga sotilgan va berilgan yosh hayvonlar	9110 yoki 9220	1110
13	YOsh hayvonlarning sho‘‘ba va qaram xo‘jalik jamiyatlariga berilishi	9220	1110
14	Epizootiya natijasida nobud bo‘lgan yosh hayvonlarning hisobdan chiqarilishi	9720	1110

3-§. Materiallarni tayyorlash va xarid
qilishni hisobga oluvchi schyotlar (1500)

112. Aylanma mablag‘larga taalluqli bo‘lgan moddiy qiymatliklarni tayyorlash va sotib olish to‘g‘risidagi axborotlarni umumlashtirish 1510 "Materiallarni tayyorlash va xarid qilish" schyotida amalga oshiriladi.

113. 1510 "Materiallarni tayyorlash va xarid qilish" schyotining debetiga moddiy qiymatliklarning hisob bahosi olib boriladi. Bunda u yoki bu qiymatliklar qaerdan kelib tushganligi va korxonada materiallarni tayyorlash va olib kelish xarajatlarining xususiyatiga ko‘ra 6010 "Mol etkazib beruvchilar va pudratchilarga to‘lanadigan schyotlar" va shu kabi boshqa schyotlar bilan bog‘langan holda yozuvlar amalga oshiriladi.

1510 "Materiallarni tayyorlash va xarid qilish" schyotining kreditiga xarid qilingan qiymatliklarni xarid qilish (tayyorlash)ning haqiqiy tannarxi bo‘yicha hisoblangan qiymati, moddiy qiymatliklarni hisobga oluvchi schyotlar bilan bog‘langan holda olib boriladi.
Moddiy qiymatliklarning haqiqiy tannarxi va hisob bahosi bo‘yicha qiymati orasidagi farq summasi 1510 "Materiallarni tayyorlash va xarid qilish" schyotidan 1610 "Materiallar qiymatidagi farqlar" schyotiga hisobdan chiqariladi.
Oy oxirida 1510 "Materiallarni tayyorlash va xarid qilish" schyotidagi qoldiq tayyorlangan va xarid qilingan, shuningdek yo‘ldagi yoki mol etkazib beruvchilarning omborlaridan (ushbu qiymatliklar omborga kirim qilinmasdan) olib kelinmagan materiallarning mavjudligini ko‘rsatadi.

114. Materiallarni tayyorlash va xarid qilishni hisobga oluvchi schyotlar (1500)ning bog‘lanishi: