Buxgalteriya hisobining milliy standarti (21-son bhms)

T/r	Xo‘jalik muomalalarining mazmuni
Schyotlarning bog‘lanishi
Debet	Kredit
1	Korxonaga o‘rnatiladigan asbob-uskunalar kelib tushdi	0710, 0720	7010
2	Kapital qo‘yilmalar uchun mol etkazib beruvchilar va pudratchilarning bajargan ishlari va ko‘rsatgan xizmatlari yuzasidan berilgan schyotlar to‘lovga qabul qilindi	0810-0890	7010
3	Mol etkazib beruvchilardan materiallar kelib tushdi	1010-1090	7010
4	Mol etkazib beruvchilardan o‘stirishga va bo‘rdoqiga boqiladigan hayvonlar kelib tushdi	1110, 1120	7010
5	Mol etkazib beruvchilardan turli TMZ kelib tushdi (1510-schyot qo‘llanilganda)	1510	7010
6	Mol etkazib beruvchilardan tovar-moddiy zaxiralar sotib olinganda to‘langan QQS summasi hisobga olindi	4410	7010
7	Korxona tomonidan asosiy va yordamchi ishlab chiqarish, xizmat ko‘rsatuvchi xo‘jalik, umumishlab chiqarish va boshqaruv ehtiyojlari uchun mol etkazib beruvchilarning bajargan ish va xizmatlari (jumladan: energiya, gaz, bug‘, suv) qabul qilindi	2010, 2310, 2510, 2710, 9420-9430	7010
8	YAroqsiz mahsulotni tuzatish va kafolatli ta’mirlash bo‘yicha mol etkazib beruvchilarning ko‘rsatgan xizmatlari	2610	7010
9	Kelgusi davr xarajatlariga tegishli bo‘lgan mol etkazib beruvchilardan olingan ish va xizmatlar	3190	7010
10	Mol etkazib beruvchilardan tovarlar kelib tushdi	2910-2990	7010
11	Mahsulotlar, tovarlar, ish va xizmatlarni sotish jarayonida mol etkazib beruvchilar va pudratchilarning ko‘rsatgan ish va xizmatlari	9410	7010
12	Tabiiy ofatlarni tugatishda mol etkazib beruvchilar va pudratchilarning xizmatlari	9720	7010
13	Mol etkazib beruvchilar va pudratchilarning qarzlari uzoq muddatli qismdan joriy qismga hisobdan chiqarildi	7010	6010
14	Da’vo muddati tugagan kreditorlik qarzlari hisobdan chiqarildi	7010	9390

2-§. Ajratilgan bo‘linmalar, sho‘‘ba va qaram xo‘jalik
jamiyatlariga bo‘lgan uzoq muddatli qarzlar (7100)

314. Ajratilgan bo‘linmalar, sho‘‘ba va qaram xo‘jalik jamiyatlariga bo‘lgan uzoq muddatli qarzlar to‘g‘risidagi axborotlarni umumlashtirish quyidagi schyotlarda amalga oshiriladi:

7110 “Ajratilgan bo‘linmalarga bo‘lgan uzoq muddatli qarz”;
7120 “SHo‘‘ba va qaram xo‘jalik jamiyatlariga bo‘lgan uzoq muddatli qarz”.

315. 7110 “Ajratilgan bo‘linmalarga bo‘lgan uzoq muddatli qarz” schyotida korxonaning umumiy balansga qo‘shiladigan filiallar, vakolatxonalar, bo‘limlar va boshqa ajratilgan bo‘linmalar oldidagi uzoq muddatli majburiyatlar (ichki xo‘jalik yoki balans ichidagi hisob-kitoblar) hisobga olinadi.

7110 Korxonaning turli xildagi muomalalar bo‘yicha ajratilgan bo‘linmalar oldidagi uzoq muddatli majburiyatlari “Ajratilgan bo‘linmalarga bo‘lgan uzoq muddatli qarz” schyotining kreditida tovar-moddiy qiymatliklar, pul mablag‘lari, xarajatlar va boshqalarni hisobga oluvchi schyotlar bilan bog‘langan holda aks ettiriladi.

316. 7120 “SHo‘‘ba va qaram xo‘jalik jamiyatlariga bo‘lgan uzoq muddatli qarz” schyotida korxonaning sho‘‘ba va qaram xo‘jalik jamiyatlari oldidagi uzoq muddatli majburiyatlari (balanslararo hisob-kitoblar yoki ichki idoraviy hisob-kitoblar) hisobga olinadi.

7120 “SHo‘‘ba va qaram xo‘jalik jamiyatlariga bo‘lgan uzoq muddatli qarzlar” schyotining kreditida turli xildagi muomalalar bo‘yicha sho‘‘ba va qaram xo‘jalik jamiyatlari oldidagi joriy majburiyatlar tovar-moddiy qiymatliklar, pul mablag‘lari, xarajat va boshqalarni hisobga oluvchi schyotlar bilan bog‘langan holda aks ettiriladi.
7110 “Ajratilgan bo‘linmalarga bo‘lgan uzoq muddatli qarz”, 7120 “SHo‘‘ba va qaram xo‘jalik jamiyatlariga bo‘lgan uzoq muddatli qarz” schyotlari bo‘yicha analitik hisob har bir ajratilgan bo‘linma, sho‘‘ba va qaram xo‘jalik jamiyati bo‘yicha alohida yuritiladi.

317. Ajratilgan bo‘linmalar, sho‘‘ba va qaram xo‘jalik jamiyatlariga bo‘lgan uzoq muddatli qarzlarni hisobga oluvchi schyotlar (7100)ning bog‘lanishi: