Buxoro davlat universiteti qodirova saodat abduraximovna
Yüklə 44,74 Kb. Pdf görüntüsü
|
|
© “KAMOLOT” nashriyoti © QODIROVA SAODAT ABDURAXIOVNA 3 SOʻZBOSHI Sharq qadim-qadimdan oʻzining ilm-fan va madaniyati bilan butun dunyo ahlini oʻziga rom qilib kelgan. Azal-azaldan qolib kelayotgan sharqona madaniyat va ilm-ma’rifat asrlar davomida yuksaldi, sayqal topdi. Buning negizi, albatta, farzandlarga berilgan ta’lim va tarbiyaga borib taqaladi. Har bir davlat, jamiyat borki oʻzining kelajagini yosh avlodida koʻradi. Farzandlarning kamol topmogʻi, jamiyat ravnaqi va osoyishtaligi uchun oʻz hissasini qoʻshmogʻi ularga beriladigan ta’lim va tarbiyaga bogʻliq. Ajdodlarimiz komil shaxs obrazini (qiyofasini) yaratishdi, uni hayolotdan reallika aylantirishga harakat qilishdi. Zamonaviy talqinda biz komil shaxs qiyofasida yuksak ta’lim va tarbiyaga ega boʻlgan, yangilik yaratishga intiluvchi, mustaqil va ijodiy fikrlaydigan, boshqalarga oʻzining ilgʻor fikrlari bilan ta’sir qila oladigan, bir soʻz bilan aytganda, har tomonlama mukammal shaxsni tushunamiz. Shaxsning mukammalligi uning amalga oshirgan ishlari va nutqida namoyon boʻladi. Goʻzal va ravon nutq inson fikr koʻlamining kengligi bilan belgilanadi. Nutq insonga berilgan eng oliy ne’matlarning biri boʻlibgina qolmay, u tafakkur mahsuli hamdir. Shuning uchun ham ta’limning ilk bosqichidanoq bolaning ogʻzaki va yozma nutqini oʻstirish har bir fan doirasida asosiy vazifa qilib belgilab olinadi. “Ona tli oʻqitish metodikasi” fani oliy ta’lim muassasalari Boshlangʻich ta’lim yoʻnalishi talabalarida kasbiy-pedagogik sifatlarni shakllantirish, ularni boʻlajak mutaxassis sifatida tayyorlashda muhim oʻrin egallaydi. Bola nutqining takomillashuvida ona tili ta’limi katta imkoniyatga ega ekanligi bilan ajralib turadi. Ona tili darslarida bolaning ogʻzaki va yozma nutqini rivojlantirish masalasi bugungi kundagi ona tili oʻqitish metodikasi fani oldida turgan muhim vazifalardan biridir. Ushbu qoʻllanma mana shu vazifani bajarishda samarali vosita boʻla oladi. |