Sho’rlangan tuproqlarni melioratsiyalash yo’llari, qo’llaniladigan
agrotexnik, gidrotexnik tadbirlar.
Respublikamiz o’zining tabiiy-iqlim va xo’jalik sharoitlariga ko’ra yuqori
agroiqtisodiy saloxiyatga ega bo’lgan mamlakatlar qatoriga kiradi. Ammo keyingi
yillarda yerlar hosildorligining pasayishi, meliorativ fondlarning eskirishi va
sho’rlangan yerlarning oshishi tendenstiyalari kuzatilmoqda. Yerlar meliorativ
holatini yaxshilash,melioratsiya ishlarini tashkil qilish va moliyalashtirish tizimini
takomillashtirish maqsadida o’tgan yilning 29 oktyabrida Respublikamiz
Prezidentining «Yerlarning meliorativ holatini yaxshilash tizimini tubdan
takomillashtirish chora-tadbilari to’g’risida»gi PF-3932-sonli Farmoni qabul
qilindi va bu sohada keng hamrovli ishlar boshlab yuborildi. Kuzgi-qishki davrda
bajariladigan muhim meliorativ tadbirlardan biri yerning sho’rini yuvishdir. Bu
yumush, ayniqsa, tuproq sho’rlanishi tufayli ekinlardan mo’l va sifatli hosil olishda
qiyinchilikka duch keladigan Qoraqalpog’iston Respublikasi, Jizzax, Sirdaryo,
Qashqadaryo, Buxoro, Xorazm va boshqa viloyatlar dehqonlari uchun
ahamiyatlidir. Chunki dalada sho’rlanish yuqori bo’lsa, urug’ bir tekis unib
chiqmaydi, ekin yaxshi rivojlanmaydi, oqibatda hosildorlik kamayib ketadi. Har
bir fermer sho’r yuvish ishlarini boshlashdan oldin dala tuprog’ining sho’rlanish
darajasini aniq bilib olishi kerak. Bu sho’r yuvishni necha marta va qancha
me’yorda o’tkazishni aniq belgilashga yordam beradi. Buning uchun yerning
tuproq tarkibi, turi hamda sho’rlanishi to’g’risidagi xaritasi bo’lishi lozim. Tuproq
tarkibi va ball-boniteti aniq belgilangan xaritalar tuman Davlat yer kadastri
70
idorasida mavjud bo’lib, ular sobiq shirkatlar (hozirgi SIU) chegarasi miqyosida
tuzilgan. Bunday xaritada har bir tuproq turi uchun tushuntirishlar, 2 metrgacha
chuqurlikdagi tuproq kesimining tuzilishi, ya’ni tuproqning mexanik tarkibi,
sho’rlanishi, gips, gumus miqdori va boshqa ma’lumotlar berilgan. Xaritadan har
bir fermer xo’jaligi o’z hududi chegarasini ajratib olishi, xaritaga berilgan izohni
o’rganib chiqib, maydonining tuproq tarkibi va uning holatini tushunib olishi
mumkin. Xaritada ko’rsatilgan ball-bonitet shu maydondan qancha paxta yoki
bug’doy hosili olish mumkinligini ko’rsatadi. Bu xaritadan yerning qay darajada
sho’rlanganligini bilish mumkin, ammo, yaxshisi bu xaritadan tuproq sharoitini
baholash va shu sharoitda hosildorlikning qay darajada bo’lishini bilish uchun
foydalangan ma’qul. Sho’rlanishdan hosildorlik qanday zarar ko’radi? Hosilning
yo’qotilishi sho’rlanish darajasiga bog’liqmi degan savol tug’ilishi tabiiy. Tuproq
sho’rlanishidan hosilning yo’qotilishi turli ekinlar uchun 10 % dan 80 % gachani
tashkil yetadi. Har bir qishloq xo’jaligi ekini sho’rlanishga o’ziga xos ta’sirchandir.
Agar tuproqning sho’ri yuvilmasa, urug’ to’liq unib chiqmaydi. Ko’pgina qishloq
xo’jalik ekinlari uchun sho’rlanish o’simlikning aynan unib chiqish fazasida
xavflidir. Namlik yetarli bo’lmagan sho’rlangan yerlarda bosim hosil bo’ladi va bu
o’simlik ildizining namlikni tortib olishiga qarshiliq qiladi. Bundan tashqari,
tuzlarning (xlor) yuqori konsentratsiyasida o’simlikning zararlanishi sodir bo’ladi
va uning rivojlanishi buziladi. Ekinlar ta’sirchanligini solishtirish shuni
ko’rsatadiki, 0,15% tuzga ega bo’lgan tuproq, paxta uchun sho’rlanmagan deb
hisoblansa, shu yerga ekilgan sabzining 50% hosili yo’qotiladi. Shuning uchun
sho’rlanishga ta’sirchan ekinlar ekiladigan yerlarning sho’rini sifatli yuvish talab
etiladi. Sho’r yuvish tuproqdagi sho’rni yo’qotishning eng ishonchli usulidir.
Tuproq sho’rini yuvishning 2 xil usuli mavjud, ya’ni egatlab va pol olib. Pollar
bo’yicha sho’r yuvishni o’rta va kuchli sho’rlangan yerlarda amalga oshirish
yaxshi natija beradi. Bunda suvning tik filtrlanishi ta’minlanadi va tuproqdagi tuz
miqdorining ketishi bir tekisda bo’ladi. Kuchsiz sho’rlangan yerlarda esa sho’r
yuvishni egatlar bo’yicha amalga oshirish mumkin. Bunda maydonni yuvishga
sifatli tayyorlash kerak. Tuproq sho’rlanishini baholashda viloyatlar irrigastiya
71
tizimlari havza boshqarmalari qoshidagi gidrogeologiya-meliorativ ekspedistiyasi
tomonidan (GGME) tayyorlanadigan tuproq sho’rlanishiga oid xaritadan
foydalanish mumkin. Unda tuproq dalaning qaysi qismi qay darajada
sho’rlanganligi aniq belgilanadi. Odatda, tuproqning 1 metrgacha bo’lgan
qatlamida sho’rlanishning turli darajalari (sho’rlanmagan, kuchsiz, o’rta, kuchli va
o’ta kuchli) alohida ajratib ko’rsatiladi. Agar xaritada o’rta yoki kuchli sho’rlangan
yerlar bo’lmay, balki kuchsiz sho’rlangan yerlar bo’lsa, egatlar bo’yicha gektariga
2000 m3 me’yorda yaxob suvi byerish kifoya. Kuchsiz sho’rlangan yerlarning
sho’rini oldindan — kuzda yuvish tavsiya etilmaydi. Chunki kichik me’yorda suv
berish, qishning quruq kelishi natijasida kuzdagi sho’r yuvish kam samarali bo’lib,
bahorda qayta sho’rlanish sodir bo’lishi mumkin. O’rtacha sho’rlangan yerlar engil
qumoq yoki qumloq bo’lsa, egatlar bo’yicha sho’r yuviladi. O’rtacha sho’rlangan
(qumoq va loyli), shuningdek kuchli va o’ta kuchli sho’rlangan yerlarni faqat pol
olib yuvish zarur. Pollar bo’yicha sho’r yuvish sizot suvlari chuqur joylashgan
vaqtda dekabr-yanvar oylarida o’tkazish lozim. Suvning dala bo’ylab tekis
taqsimlanishi uchun chek o’lchamlari 50x50 metrdan oshmasligi zarur. Suv berish
me’yori o’rtacha sho’rlanishda gektariga 3000—4000 m3 (3 bosqichda). O’rta
sho’rlangan yerlarning sho’rini fevral-mart oylarida ham yuvish mumkin, ammo
hududning zovur tarmoqlari bilan ta’minlanmagan sharoitida (sizot suvlarining
turg’unligi va yuza joylashganligi) sho’r yuvishni avvalroq boshlash maqsadga
muvofiq. Chunki sho’r yuvish kech boshlansa ekish vaqtida namlik yuqori bo’lib,
yer yetilmaydi va natijada tuproqqa ishlov berish orqaga suriladi. Pol olishdan
oldin maydonni yaxshilab tekislash zarur. Pollar traktorga ulangan KZU
yordamida olinadi. Pol olish bilan bir vaqtning o’zida dala qiyaligining yuqori
tomonidan o’qariq olinadi va cheklarga suv uzatish dalaning qo’yi qismidan
boshlab, har bir chekka alohida suv yuboriladi. Nisbatan katta nishablikka ega
bo’lgan maydonlarda sho’r yuvishni pollar bo’yicha olib borgan ma’qul.
Dostları ilə paylaş: |