9. Əli Səmədli (1930-2006)- ədəbi yaradıcılığa keçən əsrin 50-ci illərində başlamışdır. Uşaqlar üçün yazdığı ilk nağıl “Azərbaycan pioneri” qəzetində dərc olunub. Ilk kitabı olan “Aqil babanın nağılları” uşaq ədəbiyyatına istedadlı bir yazıçının gəldiyini xəbər verirdi. Sonrakı illərdə yazıçının 30-dan artıq kitabı nəşr olunub. Ədibin “Tərgül və zərgül”, “Sehirli xalça”, “Qarlı gündə”, “İnnab ağacı”, “Bənövşə bəndə düşər”, “Generalın uşaqlığı” və digər kitablarındakı əsərlər- şeirlər, hekayələr, ədəbi nağıllar, pyeslər uşaqlar tərəfindən böyük maraqla oxunur.
“Sənət və Zəhmət”hekayəsi ədəbi nağıl janrındadır. Hekayədə atanın müdrikliyi əməyə, sənətə laqeyd yanaşan oğlunu halal əməyə dəvət etməsi təsvir edilir. Atanın oğullarından üçü sənətkardır- birincisi dərzi, ikincisi dülgər, üçüncüsü dəmirçidir. Digər oğlanlardan fərqli olaraq kiçik oğlu Əkbərin heç bir sənətə yiyələnməməsi atanı narahat edir. Ata Əkbərə papaq tikməyi, pəncərə çərçivəsi düzəltməyi tapşırsa da Əkbər qardaşına düzəldirir. Ata bunların Əkbər tərəfindən düzəldilməsinə inanmayıb atır. O oğluna nal düzəltməyi tapşıranda dülgər qardaş Əkbərə kömək etmir, Əkbər özü düzəldir, ata arxa atanda dözə bilməyib, bütün günü zəhmət çəkdiyini deyir. Oğlunun bu hərəkəti atanı inandırır ki, nalı həqiqətən də o düzəldib. Əsər oxucuya sənətə yiyələnməyin, öz əlinin zəhməti ilə yaşamağın zəruriliyi fikrini aşılayır.
“Yanardağ” hekayəsi torpağımızın təbii sərvətlərinə, zəhmətkeş insanlarına həsr olunub. El yolunun Yanardağın püskürən odunun, alovunun sirrini bilməyən insanlar ondan qorxur, uzaq gəzir. Illər, əsrlər keçəndən sonra insanlar Yanardağın xəzinəsinin açarını tapır, onun ətrafında dərin quyular qazır. Həmin quyulardan çıxan neft insanlara bolluq, bərəkət, işıq gətirir. İnsanlar onun simasında ağac əkdilər, məşə saldılar. Yanmasa da ona Yanardağ dedilər. Əsər oxucuda doğma yurda məhəbbət, onun təbii sərvətlərinin qədrini bilmək hissi oyadır.
“Ovçu oğlan”şeirində özünü ovçu adlandırıb lovğalanan oğlanın sözləri gülüş doğurur:
Bir ovçu oğlanam mən
Pusquda duranam mən
Bir gülləyə üç qarğa
Üç dovşan vuranam mən.
Ə.Səmədlinin
