Cyki (Cinsi yolla keçən infeksiyalar)

Sifilitik pemfiqusun differensial diaqnostikası:

• 
  yenidoğulmuşların epidemik pemfiqusu – yenidoğulmuşların epidemic pemfiqusu əmələ gəlmə müddətinə və xarici görünüşünə görə sifilitik pemfiqusa bənzəyir. Epidemik pemfiqusda adətən gövdə nahiyəsində nadirən- ayaq altında və ovucda lokalizasiyası, qovuqcuqların tərkibində Staphylococcus spp. aşkarlanması, mənfi seroloji testlər və anada spesifik kliniki-seroloji simptomatikanın olmaması fəqləndirici əlamətlər sayılır.
  

Sifilisin diaqnostikası.

Sifilis diaqnozu aşağıda sadalananların əsasında qoyulur:

• 
  klinika – anamnez məlumatları
  
• 
  laborator müayinələrin nəticələri
  

• 
  aparat üsulları ilə aparılan müayinələrin nəticələri (rentgenoqrafiya , USM , EEQ , EKQ, ExoKQ , KT , MRT ).
  

Sifilisin laborator diaqnostikasının əsasında düz və qeyri –düz seroloji diaqnostika dayanır . Sifilisin düz diaqnostikası birbaşa xəstəliyin törədicisi – T.pallidum və ya onun genetik materialının aşkarlanmasına yönəlmişdir . Müayinə materiallarına aşağıdakılar aiddir

• 
  eroziyaların / yaraların və sulanan sifilidlərin səthindən alınan toxuma mayesi
  
• 
  qovuğun tərkibi
  
• 
  spesifik rinitdə burundan axan ifrazat
  
• 
  limfa düyününün punktatı
  
• 
  onurğa beyni mayesi - OBM (likvor)
  
• 
  amniotik maye
  

Sifilisin seroloji diaqnostikası xəstəliyin törədicisi – T. Pallidumun immunoloji izinin müəyyən edilməsinə yönəlib. Müayinə materiallarına aşağıdakılar aiddir

• 
  qan
  
• 
  onurğa beyni mayesi – OBM (likvor).