Davlat kadastrlari

3.4. Energetika ob‟ektlari davlat kadastri 
Energetika ob‘ektlari davlat kadastri ushbu ob‘ektlarni, geografik holati, 
huquqiy maqomi, miqdor va sifat tavsiflari hamda iqtisodiy bahosi to‗g‗risidagi 
yangilab boriladigan ishonchli ma‘lumotlar tizimidir.
Ushbu kadastr davlat kadastrlari 
yagona 
tizimining 
tarkibiy 
qismi 
hisoblanadi va energetika ob‘ektlarini 
hisobga olish va baholash maqsadida 
yuritiladi.
Faoliyat 
ko‗rsatayotgan 
va 
qurilayotgan gidro hamda issiqlik 
elektr 
stansiyalari, 
o‗z 
ichiga 
yordamchi stansiyalarni oladigan elektr tarmoqlari, "O‗zbekenergo" davlat-
aksiyadorlik kompaniyasi tarkibida jamlangan havo va yer osti kabel liniyalari 
hamda O‗zbekiston Respublikasi hududida joylashgan, texnologik jarayonning 

---

109 
yaxlitligi vositasida energiya tizimi bilan bog‗langan boshqa energiya ob‘ektlari 
Energetika ob‘ektlari davlat kadastri ob‘ektlari hisoblanadi.
"O‗zbekenergo" davlat-aksiyadorlik kompaniyasi Energetika ob‘ektlari davlat 
kadastrini yuritish bo‗yicha vakolatli organ hisoblanadi. Kadastr davlat hokimiyati 
va boshqaruv organlarini, "O‗zbekenergo" davlat-aksiyadorlik kompaniyasini, 
manfaatdor yuridik va jismoniy shaxslarni energetika ob‘ektlari to‗g‗risidagi 
ishonchli kadastr ma‘lumotlari bilan ta‘minlash uchun mo‗ljallangan. 
Quyidagilar Energetika ob‘ektlari davlat kadastrini yuritishning asosiy 
prinsiplari hisoblanadi: O‗zbekiston Respublikasi energetika ob‘ektlarini to‗liq 
qamrab olish; makon koordinatlarining yagona tizimini va yagona topografik 
asosni qo‗llash; barcha ob‘ektlar bo‗yicha kadastr axborotlarini shakllantirish 
metodologiyasining 
yagonaligi; 
kadastr 
axborotlarining 
ishonchliligi, 
ko‗rgazmaliligi va hujjatliligi; kadastr axborotlarining ochiqligi. 
Energetika ob‘ektlari davlat kadastrini yuritish energetika ob‘ektlarini 
xatlovdan o‗tkazish, hisobga olish, baholash bilan ta‘minlanadi hamda davlat yer 
kadastri va bino va inshootlar davlat kadastri ma‘lumotlaridan majburiy 
foydalanishni nazarda tutadi. Energetika ob‘ektlariga tegishli yer uchastkalari, 
binolar va inshootlarga bo‗lgan huquqlarni davlat ro‗yxatidan o‗tkazish vakolatli 
organlar tomonidan, ko‗chmas mulkka bo‗lgan huquqlarni ro‗yxatdan o‗tkazish 
uchun belgilangan tartibda amalga oshiriladi. 
Energetika ob‘ektlari davlat kadastrini yuritish energetika ob‘ektlarining 
barcha turlari ro‗yxatini, ularning miqdor va sifat tavsiflarini hisobga olishni, 
ob‘ektlarni ekologik-iqtisodiy baholashni, shuningdek kadastr axborotlarini 
to‗plash, tahlil qilish, ishlash, tizimlashtirish, saqlash, yangilashni hamda ularni 
qonun hujjatlarida belgilangan tartibda manfaatdor foydalanuvchilarga berishni o‗z 
ichiga oladi. 
Energetika ob‘ektlari ro‗yxati ularning miqdor va sifat tavsiflarini hisobga 
olish hamda ularni ekologik-iqtisodiy baholash uchun asos hisoblanadi. Energetika 
ob‘ektlarining barcha turlari boshlang‗ich ro‗yxatga kiritiladi. Bunda asosiy 
ko‗rsatkichlar 
qayd 
etiladi, 
ushbu 
ko‗rsatkichlarning 
tarkibi 

---

110 
"Davyergeodezkadastr" qo‗mitasi bilan kelishgan holda "O‗zbekenergo" davlat-
aksiyadorlik kompaniyasi tomonidan tasdiqlanadigan tegishli normativ hujjatlar 
bilan belgilanadi. Ro‗yxatga kiritish natijalari bo‗yicha har qaysi ob‘ekt uchun 
pasport tuziladi. Energetika ob‘ektlari to‗g‗risidagi tizimlashtirilgan kadastr 
axborotlari Davlat kadastrlari yagona tizimiga belgilangan tartibda beriladi. 
Kadastrni yaratish va yuritish ishlarini moliyalashtirish "O‗zbekenergo" davlat-
aksiyadorlik kompaniyasi mablag‗lari hisobiga amalga oshiriladi. 
Energetika ob‘ektlari davlat kadastrini yuritish "O‗zbekenergo" davlat-
aksiyadorlik kompaniyasining quyidagi tarkibiy bo‗linmalari: "O‗zbekenergo" 
davlat-aksiyadorlik kompaniyasining "O‗zenergosozlash" unitar korxonasi kadastr 
xizmati; energetika ob‘ektlari kadastr xizmatlari - bo‗yicha bo‗linmalar tomonidan 
amalga oshiriladi. Energetika ob‘ektlari davlat kadastrini yuritishni metodik 
ta‘minlash "O‗zbekenergo" davlat-aksiyadorlik kompaniyasi tomonidan amalga 
oshiriladi. 
"O‗zenergosozlash" 
unitar 
korxonasi: 
energetika 
ob‘ektlari davlat 
kadastrining avtomatlashtirilgan axborot tizimi joriy etilishini va faoliyat 
ko‗rsatishini ta‘minlaydi; ma‘lumotlar bazasi tuzilmasini ishlab chiqadi, uni 
energetika korxonalariga berishni amalga oshiradi, ma‘lumotlar bazasi 
to‗ldirilishining to‗g‗riligini nazorat qiladi; energetika ob‘ektlari kadastr xizmatlari 
xodimlarini energetika ob‘ektlari davlat kadastrining avtomatlashtirilgan axborot 
tizimi bilan ishlashga o‗qitishni tashkil qiladi; energetika ob‘ektlari kadastr 
xizmatlariga taqdim etilgan kadastr axborotlarini tizimlashtirishni va ularni 
energetika ob‘ektlari davlat kadastrining avtomatlashtirilgan axborot tizimiga 
kiritishni amalga oshiradi; yangi energetika ob‘ektlari to‗g‗risidagi hisobga olish 
va baholash axborotlari to‗planishini nazorat qiladi; kadastr axborotlarining Davlat 
kadastrlari yagona tizimiga tezkorlik bilan berilishini amalga oshiradi; har yili, 
belgilangan tartibda "O‗zbekenergo" davlat-aksiyadorlik kompaniyasi energetika 
ob‘ektlarining holati va ulardan foydalanilishi to‗g‗risidagi hisobotni Davlat 
kadastrlari yagona tizimiga taqdim etadi. 

---

111 
Energetika ob‘ektlari kadastr xizmatlari: energetika ob‘ektlarining miqdor va 
sifatini joriy o‗zgarishlarni, ularning atrof muhitga ta‘sirini, ekologik-iqtisodiy 
bahosini to‗playdi va tizimlashtiradi; energetika ob‘ektlarining kadastr daftarlarini 
yuritadi, ma‘lumotlar bazasini to‗ldiradi va ularni tizimlashtirish hamda davlat 
kadastrining avtomatlashtirilgan axborot tizimiga kiritish uchun "O‗zbekenergo" 
davlat-aksiyadorlik kompaniyasi vakolatli tashkilotining kadastr bo‗limiga beradi; 
yangi energetika ob‘ektlarini ro‗yxatga qo‗yadi, ular to‗g‗risidagi hisobga olish va 
baholash axborotlarini to‗playdi.
"O‗zbekenergo" davlat-aksiyadorlik kompaniyasi tizimidan tashqarida 
faoliyat ko‗rsatuvchi energetika ob‘ektlari mulkdorlari foydalanuvchilari 
"O‗zbekenergo" davlat-aksiyadorlik kompaniyasi kadastr xizmatiga kadastr 
ob‘ektlarining jug‗rofiy holati, huquqiy maqomi, miqdoriy tavsiflari va bahosi, 
shuningdek ularning holatidagi joriy o‗zgarishlar to‗g‗risidagi axborotlarni taqdim 
etishlari shart. 
Energetika ob‘ektlari tavsiflaridagi keyingi o‗zgarishlar joriy hisobga olishda 
qayd etiladi. Energetika ob‘ektlarining miqdor va sifat tavsiflarini hisobga olish 
ularni iqtisodiy, texnologik va ekologik belgilari bo‗yicha klassifikatsiya qilishni 
o‗z ichiga oladi, ularning tarkibi energetika ob‘ektlari davlat kadastrini yuritish 
bo‗yicha normativ hujjatlarda belgilanadi. 
Hisobga olish axborotlari korxonaning kadastr daftariga yoziladi va 
energetika ob‘ektlari davlat kadastrining avtomatlashtirilgan axborot tizimiga 
kiritiladi. Energetika ob‘ektlarini iqtisodiy baholash soliq solish, xususiylashtirish 
va boshqa maqsadlar uchun har qaysi ob‘ekt qiymatini baholash uchun amalga 
oshiriladi.