Qaz və tüstüdən mühafizə komplekti (QDZK). Statistika nəticələrinə görə çoxlu sayda insan tələfatı ilə baş verən yanğınlar ən çox asan alışan materialların istifadə edildiyi otellərdə, teatrlarda, marketlərdə, restoranlarda, gecə klublarında, təhsil müəssisələrində və s. baş verir. Həmin məkanlar yanğın zamanı tez bir zamanda karbon qazı və digər toksiki qazlar ilə dolur. İnsanlar zəhərlənmədən ölür. Belə şəraitdə insanları yanğın məkanından çıxaran zaman, onların tənəffüs üzvlərini və gözlərini zəhərli qazlardan, başını yanğından mühafizə edən xüsusi vasitə QDZK hazırlanmışdır. Həmin vasitə həm böyüklər, həm də 10 yaşından yuxarı uşaqlar üçün yararlıdır. Kostyum odadavamlı başlıqdan və panoram pəncərədən ibarətdir. Aşağı hissəsində elastik manjeti var. Başlığın daxilində nəfəs almaq üçün klapanı olan filtrasiya -sorbsiyaedici patronu olan rezin yarımmaska var. QDZK-nın bir üstünlüyü də ondadır ki, başlıq hissəni nizamlamaq olur. Onu başa geyindikdə elastik manjeti dartıb boyun hissəsinə sıx yerləşdirirlər. Bu zaman uzun saçlar başlığın altına salınır, eynək varsa çıxarılmır. QDZK karbon oksiddən və sianiddən 15 dəqiqəyə qədər mühafizə edir. Çəkisi-800q-dır. Komplekt karton qutuda üçqat polietilen plyonkadan ibarət hermetik paketdə saxlanır.
