Üçüncüsü: torpaq hüququnun müstəqil hüquq sahəsi kimi ayırmaq üçün bu gün üçüncü amil (meyar) - Azərbaycan Respublikasının Torpaq Məcəlləsi (8 avqust 1999-cu il) kimi kodlaşdırılmış sənədin
mövcudluğu da böyük əhəmiyyətə malikdir. Eyni zamanda «Torpaq islahatı haqqında» (16 iyul 1996-cı il),
«Torpaq icarəsi haqqında» (11 dekabr 1998-ci il), «Torpaq bazarı haqqında» (7 may 1999-cu il), «Dövlət torpaq kadastrı, torpaqların monitorinqi və yerquruluşu haqqında» (22 dekabr 1998-ci il), «Torpaqların münbitliyi haqqında» (30 dekabr 1999-cu il), «Bələdiyyələrin əraziləri və torpaqları haqqında» (7 dekabr
1999-cu il), «Bələdiyyə torpaqlarının idarə edilməsi haqqında» (29 iyun 2001-ci il) Azərbaycan
Respulikasının qanunları və digər çoxsaylı köməkçi normativ-hüquqi sənədlər də ölkəmizdə torpaq hüququnun
müstəqil hüquq sahəsi kimi tanınmasında mühüm əhəmiyyət kəsb edir.
Ölkəmizdə torpaq münasibətlərini kompleks şəkildə tənzimləyən hüquqi normaların məcmusunun
analizindən belə nəticə çıxarmaq olar ki, torpaq hüququ torpağa mülkiyyət hüquqlarının və torpaq sahələrində müxtəlif hüquq növlərinin subyektlərinin çoxluğundan çıxış edərək Azərbaycan Respublikasının müstəqil hüquq sahəsi olub, torpaqların səmərəli istifadəsi və mühafizəsi, torpaq dövriyyəsinin xüsusiyyətləri ilə bağlı olan torpaq hüquq subyektlərinin davranışını tənzimləyir, torpaqların səmərəli istifadəsi və mühafizəsinin təşkili üzrə dövlət orqanlarının fəaliyyət qaydalarını müəyyən edir, həmçinin cəmiyyətin həyat fəaliyyətinin bütün sferalarında torpaq sahələrinin istifadəsi ilə bağlı olan fiziki və hüquqi şəxslərin
