Giriş Torpaq maddi dünyanın insan üçün ən vacib obyektidir. Torpaq olmasaydı bütün bəşəriyyət də öz
problemləri ilə birlikdə mövcud olmazdı. İnsan dühası hər gün əvvəllər mövcud olmayan yeni vasitələr kəşf edir
və onlar köhnəldikcə yerinə, daha dahiyanə kəşf edilmiş vasitələr gətirir ki, onlar da mənəvi cəhətdən
köhnələcək və yeni daha dahiyanə kəşflərlə əvəzlənəcəkdir. Lakin həmişə ən dahiyanə kəşf torpaq olacaqdır və
onu heç bir zaman kəsiyi mənəvi cəhətdən qocaltmayacaqdır. Maddi dünyanın heç bir obyekti bəşəriyyət üçün
torpağı əvəz etməyəcək, çünki dünyada belə bir obyekt yoxdur.
Torpaq dəyərinə adekvat, hüquqi münasibətlərin obyekti kimi torpaq münasibətlərinin tənzimlənməsi
olmalıdır. Belə ki, torpağı heç bir əmlak və ya təbii obyektlə eyniləşdirmək olmaz. Odur ki, hələ orta əsrlərdə
dünyada yaşamış hüquqşünaslar belə bir nəticəyə gəlmişlər ki, torpaq hüququ müstəqil hüquq sahəsi kimi
mövcud olmalıdır.
Torpaq aşağıdakı hüquq sahələrinin əksəriyyətinin tənzimləmə predmeti kimi çıxış edir:
1) dövlət sərhədlərinin müəyyən edildiyi zaman – konstitusiya hüququnun; 2) rayonları inzibati ərazi vahidlərinə ayıran zaman – inzibati hüququn; 3) torpaq sahələri ilə bağlı əqdlər həyata keçirən zaman – mülki hüququn; 4) ərlə arvadın əmlakının bölünməsi haqqında mübahisələrin həll edilməsi zamanı – ailə
