Dərs vəSAİTİ Azərbaycan Respublikası Təhsil Nazirliyi Elm və

- torpaq vergisi;  
- icarə haqqı;  
- torpağın normativ qiyməti.  
Torpaq mülkiyyətçiləri və istifadəçiləri hər il torpağa görə vergi ödəyirlər, icarəyə verilən torpaqlara görə 
isə icarə haqqı alınır. Torpaq qanunvericiliyində  nəzərdə tutulmuş hallarda torpaq sahəsinin pul verib azad 
etdirilməsi və satn alınması üçün, həmçinin torpağı girov qoymaqla bank krediti almaq üçün torpaq sahəsinin 
təbii və iqtisadi potensialına ekvivalent götürülən dəyər göstəricisi olan torpağın normativ qiyməti müəyyən 
edilir. 
«Bələdiyyə torpaqlarının idarə edilməsi haqqında» Azərbaycan Respublikasının Qanununa görə (29 iyun 
2001-ci il) Azərbaycan Respublikasında torpaqdan istifadə pulludur. Torpaq haqqı torpaq vergisi və icarə haqqı 
formalarında müəyyən edilir. Torpaq mülkiyyətçilərinin və ya istifadəçilərinin təsərrüfat fəaliyyətinin 
nəticələrindən asılı olmayaraq torpaq sahələrinə görə hər il sabit tədiyyə formasında torpaq vergisi hesablanır. 
Azərbaycan Respublikasının Vergi Məcəlləsi (11 iyul 2000-ci il) ilə müəyən edilən hədlərdə bələdiyyələr 
öz ərazilərində torpaq vergisinin dərəcələrini və vergi güzəştlərini müəyyən edirlər. Bu zaman torpaq vergisinin 
dərəcəsi kənd təsərrüfatı torpaqları üzrə 1 şərti bal üçün şərti maliyyə vahidinin 5 faizi həcmində 
müəyyənləşdirilir. 
Müvafiq icra hakimiyyəti orqanı tərəfindən kadastr qiymət rayonları  və ora daxil olan inzibati rayonlar 
üzrə  kənd təsərrüfatı torpaqlarının təyinatı, coğrafi yerləşməsi və keyfiyyəti nəzərə alınmaqla  şərti balları 
müəyyən edilir.  
Sənaye, tikinti, nəqliyyat, rabitə, ticarət-məişət xidməti və digər xüsusi təyinatlı yaşayış fondlarının 
həyətyanı sahələri və vətəndaşların bağ sahələrinin tutduğu torpaqları üzrə torpaq sahəsinin hər kvadrat metrinə 

---

98 
 
görə  aşağıdakı  cədvəldə aylıq gəlirin vergi tutulmayan məbləğindən faizlə müəyyən olunan dərəcələr tətbiq 
olunur (Cədvəl 1): 
 
Cədvəl 1 
Yaşayış məntəqələri 
Sənaye, tikinti, nəqliyyat, rabitə, 
ticarət-məişət xidməti və digər 
xüsusi təyinatlı torpaqlar 
Yaşayış fondlarının, həyətyanı sahələrin 
torpaqları və kənd təsərrüfatı üçün istifadə 
edilən torpaqlar (çıxarılıb – 01.01.2002) 
vətəndaşların bağ sahələrinin tutduğu 
torpaqlar 
Bakı  
0,3 
0,025 
Gəncə, Sumqayıt 0,25 
0,02 
Naxçıvan, Şəki, Yevlax, 
Lənkəran, Xankəndi, 
Mingəçevir, Şirvan, 
Naftalan 
0,15 0,012 
Rayon mərkəzlərində 0,125 
0,01 
Rayon tabeçiliyində olan 
şəhərlərdə, qəsəbələrdə və 
kəndlərdə (Bakı və 
Sumqayıt şəhərlərinin 
qəsəbə və kəndləri istisna 
olmaqla) 
0,06 0,005 
 
Vergi Məcəlləsinin 207-ci maddəsi vergi güzəştlərinə aiddir. Məcəllədə  aşağıdakı torpaqların torpaq 
vergisinə cəlb edilmədiyi təsbit olunmuşdur: