Dərslik rəHBƏRLİk azərbaycan Respublikası Təhsil Nazirliyinin 24 saylı

Nəhəng lixenifikasiya
Sinonimi: Lichenification geante
Daha çox genital-qasıq-anal nahiyədə təsadüf olunur. Burada onlar sadə xroniki dəm-
rov üçün tipik olan 3 zonadan məhrum olurlar və məhdud, xayalıq və böyük cinsiyyət 
dodaqlarını zədələyən, daha güclü iltihabi lixenifikasiyaya, papillomatoz çıxıntılara ma-
lik, sulanma ilə müşahidə olunan səpgiləri təşkil edirlər. Ola bilsin ki giqant dəmrovun 
yaranmasında intertriginoz sahələrdə maserasiya ağrıyaradıcı rolu oynayır. Bu nadir 
xəstəlik zamanı qaşınma artıq dərəcədə güclü olur. Bəzən residiv verən qızılyel iltihabı 
baş verir.
Differensial diaqnoz
Xeyli- xeylinin hipertrofik xəstəliyi və vegetasiyaedici pemfiqus.
Sadə xroniki ziyilli dəmrov
Sinonimlər: verrukoz neyrodermit, Neurodermitis verrucosa, Lichen simplex chro-
nicus verrucosus.
Bu forma adətən xroniki venoz çatışmamazlığı olan pasiyentlərin baldırında əmələ 
gəlir. Mərkəzdə lixenifikasiyanın səthi verrusiform keratozlara meylli olur. Qaşınma çox 
güclü olur. Böyük ehtimalla verrusiform keratoz halları da buraya aid edilir (Vayden-
feld).
Differensial diaqnoz
Differensial diaqnoz ilk növbədə verrukoz qırmızı yastı dəmrov, amiloidoz dəmrovu 
və çox nadir dəri və selikli qişaların hialinozu ilə aparılmalıdır.
Müalicə
Kortikosteroidlərlə kompression sarğilar vasitəsilə əlavə müalicə məqsədə uyğundur.

---

278
XXI FƏSİL. ÖVRƏ. KVİNKE ÖDEMİ.
Övrə və Kvinke ödemi kəskin allergik reaksiyalara və ya sürətli hiperhəssas reaksi-
yalar tipinə aiddir. Buraya həm də Layella sindromu, Stivens-Conson sindromu, anafi-
laktik şok da aiddir. Sadalanan xəstəliklər pasiyentin həyatı üçün böyük təhlükə törədir, 
hətta bunlardan bəziləri ölümlə də nəticələnə bilər.
Övrə - çox yayılmış xəstəlikdir, təxminən hər 3 nəfərdən biri heç olmazsa bir dəfə 
bu xəstəliyə tutulur. Xəstəlik dəridə sürətlə əmələ gələn, qaşınan, monomorf, köpüşük 
şəklində olan səpgilərin əmələ gəlməsi ilə xarakterizə olunur.
Bu monomorf urtikar qaşınan səpgili polietioloji dermatozdur. Övrə müxtəlif etio-
logiyalı bir çox xəstəliklərdə allergik və ya psevdoallergik reaksiyalar nəticəsində əmələ 
gəlir.
Övrə və Kvinke ödemi bütün yaşlarda ola bilər. Ancaq daha çox 21-dən 60 yaşa qədər 
müşahidə olunur.