Dielektriklarning qutblanishi Qutblanish vektori

11-ma’ruza mashg`uloti
Mavzu: Dielektrik va o’tkazgichlar.
Reja:

1. Dielektriklarning qutblanishi

2. Qutblanish vektori

3. Elektr sig‘imi

4. Sharchaning elektr sig‘imi

5. Kondensatorlar va ularning sig’imi

6. Har xil geometrik shaklli kondensatorlar elektr sig’imi

7. Elektrostatik maydon energiyasi

1.Dielektriklarning qutblanishi

Dielektriklar atom va molekulalardan tashkil topgan. Atom esa,musbat zaryadli yadro va manfiy zaryadli elektronlardan iboratdir. Atomning musbat zaryadi yadroda to‘plangan bo‘lib, manfiy ishorali elektronlar esa, yadro atrofida harakatda bo‘ladi.
Ko‘p hollarda manfiy zaryadlarning markazi musbat zaryadli yadro markazi bilan ustma- ust tushadi.
Birinchi turdagi dielektriklar (N₂, H₂, O₂, CO₂vab.) molekulalaridagi elektronlar yadro atrofida simmetrik joylashib tashqi elektrostatik maydon bo‘lmaganda, musbat va manfiy zaryadlarning og‘irlik markazlari ustma-ust tushgan bo‘ladi. Bunday dielektriklar molekulalari qutbsiz molekulalar deyiladi.

1- rasm. Tashqi elektrostatik maydon ta’sirida qutbsiz molekulaning dipol momentiga ega bo‘lishi
Tashqi elektrostatik maydon ta’sirida qutbsiz molekula zaryadlari siljiy boshlaydi. Musbat zaryadlar maydon yo‘nalishda, manfiy zaryadlar maydonga teskari yo‘nalishda siljiydi (1 - rasm). Shunday qilib, molekula dipol momentiga ega bo‘ladi.
Ikkinchi turdagi dielektriklar (H₂O, NH₃, SO₂, CO,…..) molekulalaridagi elektronlar yadro atrofida nosimmetrik joylashgan bo‘ladi va tashqi elektrostatik maydon bo‘lmaganda ham musbat va manfiy zaryadlarning og‘irlik markazlari ustma-ust tushmaydi. Bunday dielektrik molekulalari tashqi maydonsiz ham dipol momentiga ega bo‘lib, ular qutbl imolekulalar deb ataladi (2 - rasm).