Dilmurod Quronov adabiyot nazariyasi

Lirik asar kompozitsiyasining uch aspekti, Lirik asarning
tashqi (matniy) qurilishi: asosiy matn va yondosh matn
(ramka unsurlari). Ramka unsurlarining badiiy-estetik
funksiyalari. Tematik kompozitsiya tushunchasi. Tematik
kompozitsiya tiplari.
Lirik asar kompozitsiyasi haqidagi gaplarni ham uning 
íashqi qurilishidan boshlagan o‘ng‘ay. Negaki, misra va 
bandlarga bo'linganlik lirik asarning bamisoli «tashrif qo- 
g‘ozi», shuning o‘ziyoq zavqli o‘quvchida muayyan este- 
tik kutuvni - she’r otliq mo‘jiza bilan uchrashish hayajonini 
hosil qiladi va u beixíiyor maromga solib o'qishni bosh- 
laydi. Boshlaboq marom va so'zlar ma’nosi qo'shilishidan 
ohangni topadi, ohang ma’nolarni bir-biriga payvandlab 
mazmunga aylantiradi. E’tibor berilsa, biz, aslida, iirik she’r 
kompozitsiyasining uch aspekti: 
tashqi (matniy), tem atik
va 
ritm ik-intonatsion
qurilishi bir-biriga singib-toldirib yaxlit 
estetik hodisani voqelantirishini ko'rib o‘tganimizni sezish 
qiyin emas.
Avvalo, lirik asarning matniy (tashqi) qurilishida ham 
asosiy v
a 
yondosh matn (ramka unsurlari)
farqlanadi. Mis­
ra va bandlarga bo'linish asosiy matnga taalluqli bo'lsa, 
sarlavha, ja n r qaydi, epigraf, b a g ‘ishlov,
she’r yozilgan 
sana
va 
jo y
qaydi ramka unsurlaridir. Ta’kidlash kerakki, 
sanalgan ramka unsurlarining hech biri majburiy emas: ak- 
sariyat lirik asariarda ulardan birontasi ham ishtirok etmay- 
di. Biroq bu hol ularning ahamiyatini kamsitmaydi, aksin- 
cha, ishlatilgan taqdirda albatta muayyan g‘oyaviy-badiiy 
vazifa yuklash talabini qo'yadi.
Lirik asarlarga sarlavha qo‘ymaslik kengroq ommalash- 
gan bo'lib, bu ma’lum darajada an’ana bilan ham izoh- 
lanadi: mumtoz she’riyatimizda, qit’alar istisno qilinsa, 
she’rlar nomlangan emas. G'azallar, odatda, matla («fa-
220
www.ziyouz.com kutubxonasi

---

Ion matlali») yoki radif («falon radifli») yordamida atalgan, 
boshqa janrlardagi she’rlar ham shunga o‘xshash usullar 
bilan nomlangan. Yangi o‘zbek adabiyotida lirik she’rlarni 
nomlash amaliyoti ham ancha keng tarqaldi. Albatta, bun- 
da xorijiy adabiyotlar ta’siri ham yo‘q emas, biroq asosiy 
sababni sarlavha bajaradigan g'oyaviy-badiiy funksiyalar- 
ga ijodiy ehtiyojning mavjudligidan izlash kerak. Xusu- 
san, she’r mavzusiga ishora qilish, she’rxonda muayyan 
kayfiyat uyg‘otish-u shunga mos estetik kutuv hosil qilish 
sarlavhaning universa! funksiyalaridan sanaladi. Masa- 
lan, A.Oripov she’rlariga qo'yügan «Sevgi o‘limi», «Sen- 
dan yiroqda», «Ayriliq qo‘shig‘i», «Bahor nashidasi» kabi 
sarlavhalar eng avval muayyan emotsional holatni pay- 
do qilishga qaratilgan. «Burgut», «Dorboz», «Tilla baliq- 
cha» kabi sarlavhalar mavzuning asosi bo'lmish obrazni 
ta’kidlab ataydi, asosiy matn esa obrazning muhim bir ji- 
hatini (masalan, burgutda «maqsadsizlik», tilla baliqcha- 
da «biqiqlik») bo‘rtiq tarzda ifodalaydi. Natijada badiiy 
xotiramizda «burgut», «dorboz», «tilla baliqcha» obrazlari 
muhrlanadi, bas, endi sarlavha tilga olinishi bilan mohi- 
yat yodga keladigan bo'ladi. Ayrim sarlavhalar she’rdagi 
his-kechinma, o‘y-fikrlar yuzaga kelgan holat, bunga turtki 
bergan narsa, hodisa, joy kabilarni aniqlashtirishga xizmat 
qiladi: «Samolyotda yozilgan she’r», «Pahlavon Mahmud 
qabri qoshida», «Munojot»ni tinglab...» singari. Shu xil 
sarlavhalar ko‘pincha lirik qahramon his-kechinmalarini 
anglash uchun kalit vazifasini o'taydiki, buni tasavvur qilish 
uchun quyidagi she’rga diqqatni tortamiz: