Educational Research in Universal Sciences issn: 181-3515 volume

Educational Research in Universal Sciences
ISSN: 2181-3515 VOLUME 1 | ISSUE 7 | 2022
 
 
https://t.me/Erus_uz Multidisciplinary Scientific Journal December, 2022 
117
 
etilganda mutlaq huquqni kimga o‘tishi taraflarni o‘zaro kelishuv bilan, bunga 
erishilmagan taqdirda esa, sud tomondan belgilanadi. Mutloq huquqni meros va 
huquqiy vorislik tartibida o‘tish fakti notarius tomonidan beriladigan meros 
guvohnomasi asosida rasmiylashtiriladi. Agarda obyektga nisbatan huquqiy muhofaza 
hujjati bo‘lsa, vakolatli davlat idorasi tomonidan mutlaq huquqni yangi egasi nomiga 
hujjatlar rasmiylashtiriladi va tegishli davlat ro‘yxatidan o‘tkaziladi. 
Kompyuter dasturiga nisbatan mutlaq huquqlar ham huquq egasi vafotidan keyin 
meros tartibida qonuniy merosxo‘rlarga yoki vasiyat asosida boshqa shaxslarga o‘tadi. 
Vujudga keladigan munosabatlarga nisbatan Fuqarolik kodeksinining vorislik haqidagi 
belgilangan normalar qo‘llaniladi. Kompyuter dasturiga mutloq huquqlar egasi yuridik 
shaxs bo‘lsa, bunday yuridik shaxs qayta tashkil etilgan hollarda (uni boshqa bir 
yuridik shaxs bilan qo‘shib yuborish, qo‘shib olish, bo‘lish, ajratib chiqarish, 
o‘zgartirish – FKning 49-moddasi) mutloq huquq vorislik tartibida yangi tashkil 
etilgan yuridik shaxsga o‘tadi. Qayta tashkil etishning bo‘lish, ajratib chiqarish, 
o‘zgartirish hollarida yangi vujudga kelgan yuridik shaxslarning qaysi biriga mutloq 
huquq o‘tishi ularning o‘zaro kelishuvi asosida, bunday kelishuvga kelishilmagan 
taqdirda sud tomonidan belgilanadi. 
Seleksiya yutug‘larining meros bo‘lib o‘tishi masalasiga e’tibor qaratsak, 
seleksiya yutug‘lariga patentga bo‘lgan huquq muallifga (hammualliflarga) yoki uning 
(ularning) merosxo‘riga (merosxo‘rlariga) tegishli. Ko‘rinib turibdiki, patent olish 
huquqiga ega bo‘lgan eng asosiy shaxslar bu mualliflar va ularning merosxo‘rlaridir. 
Shu bilan birga, xizmat tartibida yaratilgan seleksiya yutug‘iga nisbatan patent olish 
huquqi, agar shartnomada boshqa qoida belgilanmagan bo‘lsa ish beruvchiga 
tegishliligi qayd etilgan. Lekin ko‘pchilik holatlarda Adliya vazirligiga 
topshirilayotgan talabnomalarda talabnomalar seleksiya 
yutug‘ini yaratgan 
mualliflarning nomlariga berilayotganligi, bu esa qonun hujjatlarini to‘g‘ri 
tushunmaslik ekanligini anglatadi. Shu bilan birga, patentda muallifning nomini va 
uning muallifligini ko‘rsatish amaliyotda bir vaqtning o‘zida patent egasi sifatida uni 
e’tirof etishga olib kelishi mumkin.