pH 6,0-6,5. Zəif turş mühit reaksiyası. Rütubətli iqlim şəraiti torpaqlarında
(qələviləşdirilmiş qaratorpaqlar, boz və qonur-meşə, doymuş sarıtorpaq və qırmızı-
torpaqlar) rast gəlinir. Fosfatlar mənimsənilə bilən vəziyyətdədir, alüminium və
marqanesin toksik təsiri zəifdir və ya yoxdur. Kükürd, kalsium, kalium, bor, kobalt
və yod çatışmazlığı bir o qədər də yüksək deyil. Mineral və azot qidalanması şəraiti
optimuma yaxındır. Bir qədər sıxlaşmaya meyillik müşahidə olunmaqla yanaşı
kifayət dərəcədə əlverişli fiziki şərait, mikroorqanizmlərin yüksək fəaliyyət səviyyəsi
və nitrifikasiya aktivliyi səciyyəvidir. Bu torpaqlarda qış dövründə artıq nəmliklə
əlaqədar strukturun itirilməsi və yazda torpağın isinməsi ilə bağlı yenidən yaranması
nəticəsində yetişkənlik dövrü özünü qabarıq surətdə büruzə verir. Belə torpaqların
yetişmə prosesi mikrobioloji fəallığın bərpası, CO
2+
-un ayrılması və karbon turşusu
ilə kalsiumun sıxışdırılması ilə bağlıdır. Ca
2+
-un sərbəst vəziyyətdə meydana gəlməsi
kolloidlərin koaqulyasiyasını və qış dövründə itirilmiş strukturun bərpasını doğurur.
Torpağın yetişmə prosesi nəmliyin çox olmayan itkisi ilə baş verdiyindən yetişmədən
sonra optimal becərmə müddəti kifayət qədər böyük olur.
