4. İnteqrir istehsal sistemləri İnteqrir istehsal (İİ) son illər, xüsusən keçid iqtisadiyyatı şəraiti və sənaye
ölkələri üçün böyük əhəmiyyət kəsb edir. O, aqrokimyəvi vasitələrdən istifadəni rədd
etmir, ancaq onların tətbiqini azaltmaq məqsədi güdür. Bitki mühafizəsində bionəza-
rət üsulları və kimyəvi pestisidlərdən birgə istifadə olunur. Əgər zərərverici və
xəstəliklərin vurduğu ziyan minimumu aşarsa, bu halda kimyəvi pestisidlər tətbiq
olunur və bitkilərin qidalanması üçün sintetik gübrələrdən istifadə edilə bilər.
İİ-də nizamlamalar heç də həmişə aydın deyildir və ölkədən-ölkəyə çox dəyişir.
Bir neçə ölkədə inteqrir istehsal üçün ticarət markası və nəzarət sistemi vardır. Bəzi
ölkələrdə inteqrir sistemlər «yaşıl istehsal» adlanır.
Yuxarıdakıları nəzərə alsaq, demək olar ki, müştərək istehsal adi kənd təsərrüfatı
ilə eyni yanaşma tərzinə malikdir, lakin məhsulun keyfiyyətinə və ətraf mühitə mənfi
təsirlərin azaldılmasına çalışır. Bu, ekoloji kənd təsərrüfatının ətraf mühiti tam bir
sistem kimi başa düşmək məfhumundan çox uzaqdır. Bununla belə o, daha sağlam
ətraf mühitin yaranmasına kömək edir və fermerlərin çoxu üçün bu şərtlərə əməl
edilməsi asandır.
