Амин Бабайев, Вцгар Бабайев

5.  Nəzarətsiz təsərrüfat sistemi  
Bəzi yerlərdə çoxillik əkmələr intensiv istifadə olunmur, gübrələnmir və zərər-
vericilərə  nəzarət edilmir, lakin oradan məhsul  əldə edilir. Burada qulluq xərcləri 
azdır, amma məhsuldarlıq isə bir müddət sonra azalır. Belə başlı-başına (nəzarətsiz) 
buraxılan plantasiyaların bəziləri ekoloji kənd təsərrüfatı standartlarının minimum 
tələbatlarını ödədikləri üçün ekoloji sertifikat əldə edir. Ancaq belə yanaşmanın 
fermerlər üçün uzunmüddətli perspektivli olması  şübhə doğurur. Ekoloji kənd 
təsərrüfatı  ərzaq təhlükəsizliyinə nail olmaq niyyətində olduğuna görə, nəzarətsiz 
ekoloji təsərrüfatçılıq düzgün strategiya deyildir. 
 
 

---

 
90
6. Adi kənd təsərrüfatı sistemi  
 
«Adi kənd təsərrüfatı» anlayışı  bəzən çaşbaşlıq yaradır və onu «ənənəvi kənd 
təsərrüfatı» anlayış ilə dolaşıq salırlar. 
Ənənəvi kənd təsərrüfatı daha çox əsrlərin süzgəcindən keçmiş ata-baba 
üsullarına əsaslanır. 
Adi (intensiv) kənd təsərrüfatı sistemində isə «Yaşıl inqilab»-ın verdiyi bütün 
müasir vasitələrdən (gübrələr, pestisidlər və s.) istifadə olunur. Bu təsərrüfat sistemi 
dünyada əksəriyyət tərəfindən istifadə edilən kənd təsərrüfatıdır və onun prinsipləri 
ekoloji kənd təsərrüfatının prinsiplərinə tamamilə ziddir.