Farhod va Shirin (I- qism) Alisher Navoiy

Farhod va Shirin (I- qism) 
Alisher Navoiy 
 
75 
library.ziyonet.uz/ 
 
Boʻlub shaytonu gʻul oning vuhushi,  
Firibu fitna borining xurushi.  
Shagʻoli tortibon afgʻoni anduh,  
Chekib kirgon kishining holigʻa vuh.  
Tikonlarkim chekib har sori domon,  
Debonkim: bormagʻil ul yon xiromon.  
Ilib dastorni har shoxi gustox.  
Shajar shoxi demakim, dev urub shox.  
Qushi anduhu dard alhoni tortib,  
Musofir elga soʻg afgʻoni tortib.  
Sahobekim boʻlub durbor yigʻlab,  
Anga kirgan kishiga zor yigʻlab.  
Shamolikim solib har yon gʻirevi  
Degilkim, na’ra aylar narra devi.  
Boʻlub har sabza noʻgi nishtari tez,  
Ne nishtar, qon toʻkarga xanjari tez.  
Qayonkim yel yetishgach tebratib shox  
Ishoratkim: bu sori kirma gustox.  
Chinori tebratib ilgini har yon  
Ki, ey kirgan kishi, Tengri uchun yon!  
Ul aylab Haq taologʻa tavakkul,  
Bu besha ichra surdi betaammul.  
Kesib yoʻl oʻylakim oshuftaroye  
Ki, boʻldi beshada raydo fazoye.  
Sarosar ul fazoda sabzau vard,  
Va lekin sabzai ranju guli dard.  
Chu qildi ul sori surmak xayoli,  
Koʻrundi ollida bir qasri oliy.  
Surub ul qasr sori devzodin,  
Qilib devu Pari Tengrisi yodin.  
Tovush chun ongladi ifriti qattol,  
Chiqardi boshki, fahm etkay nedur hol.  
Ne koʻrdikim yiroqtin shahsuvori,  
Kelur rarvosiz oning qasri sori.  
Koʻrunub hay’atidin tezhushluk,  
Bilinib raykaridin devkushluk.  
Chu koʻrdi Ahraman ul kavkabi sa’d,  
Urub bir qahqaha ul nav’ikim ra’d.  
Chiqib keldi sahobi qahr yangligʻ,  
Ayogʻdin-boshqa tegru zahr yangligʻ.  
Sochib olamgʻa jismi beqarori,  
Qiyomat oʻtiyu doʻzax sharori.  
gʻururidin zamon boʻstonigʻa larz,  
Xurushidin falak ayvonigʻa darz.  
Tanida har sari moʻ bir sinondek,  
Sinon yoʻq, balki ajdarvash yilondek.  
Tomib chun jismidin har qatrai rev,  
Yetib tadrij ila charx oni bir dev.  
Qaroliqdin yuzi shomi malolat,  
Uzunluqda boʻyi roʻzi qiyomat.  
Qoʻlida bir sutun balkim chinore,  
Tuzu hamvor andoqkim minore.  

---