Fənn: Azərbaycan tarixi Şöbə: “Tibb bacısı işi” 2 nömrəli Bakı Baza Tibb Kolleci 98 Bunun üçün yüksək nailiyyətlər əldə etmiş idmançıların nümunəsi çox vacibdir. Hələ
qədimlərdən ulu babalarımız qəhrəmanlıq nümunələri göstəriblər, döyüşlərdə qalib çıxıblar.
Vətənimizi, xalqımızı öz gücü ilə, qüvvəsi ilə, qəhrəmanlığı ilə qoruya biliblər.
Bu ona görə mümkün olurdu ki, onlar daim özlərini fiziki cəhətdən yaxşı hazırlayırdılar. İndi
bütün dünyada idman və bədən tərbiyəsi müasir səviyyədə inkişaf edir. Belə bir dövrdə Azərbaycanda
da idmanın, bədən tərbiyəsinin kütləvi surətdə inkişaf etməsinə ciddi fikir verilir. Bu böyük vəzifənin
yerinə yetirilməsi işinə ailədən, uşaq bağçalarından başlanılır. Daha sonra bu iş orta məktəblərdə
davam etdirilir. 1996-cı il iyunun 29-da respublika idmançıları XXVI Yay Olimpiya oyunlarında
iştirak etdilər. Onların yola düşmələri ərəfəsində idmançılara xeyir–dua verərək H.Əliyev demişdir:
―Sayca az da olsanız, ilk dəfə Azərbaycan xalqını, respublikamızı olimpiya oyunlarında təmsil edərək
Azərbaycanı bütün dünyaya tanıdacaqsınız.‖ Ulu öndər H.Əliyev daha sonra əlavə edərək deyir ki,
məsələ heç də medal qazanmaqda, rekord əldə etməkdə deyil. Başlıca məsələ odur ki, Azərbaycan ilk
dəfə olimpiya oyunlarında müstəqil bir dövlət kimi iştirak edir.
İnsana fiziki sağlamlıq nə qədər vacibdirsə, mənəvi sağlamlıq da bir o qədər vacibdir. İnsanda
sağlam fikir olmasa, onun cəmiyyətə, dövlətə heç bir faydası olmaz. Düzlük, həqiqəti sevmək, halallıq
və digər mənəvi keyfiyyətlərlə formalaşan sağlam insan siması müqəddəs kitablarda, klassiklərin
əsərlərində tarix boyu öz əksini tapmışdır. Şəxsiyyətin formalaşmasında mənəvi təmizlik, yüksək ali
mənəviyyat, inam və əqidə saflığı, düşüncə və təfəkkür azadlığı mühüm rol oynayır. Bunlar ―Kitabi-
Dədə Qorqud‖ abidələrində, dastanlarda, ölkə ərazisində olan digər tarixi abidələrdə öz əksini
tapmışdır. Ulu öndər H.Əliyevin fəlsəfi baxışlarına nəzər saldıqda məlum olur ki, düzgünlük,
doğruçuluq, sağlam fikir bu insan üçün əsl həyat normasıdır. O, həmişə öz fikirləri ilə Azərbaycan
gənclərini bu ruhda tərbiyə etməyə çalışırdı. H.Əliyev öz fəaliyyətini həmişə ciddi prinsiplər əsasında
qurur və bu prinsiplərə axıra qədər sadiq qalır. O bilirdi ki, həyatda qazandığı uğurların bir səbəbi də
budur və hamıya bu yolun seçməyi tövsiyə edirdi.
Onun fikrincə, mənəviyyat olmayan yerdə heç bir şey ola bilməz. Bu gün mənəvi tərbiyə daha
çox lazımdır. Bu baxımdan məktəbin, müəllimin üzərinə böyük bir məsuliyyətli iş düşür. Məktəb
xalqımız, dövlətimiz üçün bilikli, kamil vətəndaşlar yetişdirməlidir ki, ulu öndər H.Əliyevin həyata
keçirdiyi xarici və daxili siyasətə məhəbbət, ehtiram bəsləsin. Onlar Vətənə, orduya sədaqətli, mərd,
cəsur, yenilməz gənclər kimi XXI əsrin layiqli qurucuları olmalıdır. Onun bu mənada müəllim və
tərbiyəçilər haqqında dediyi sözlərin çox böyük əhəmiyyəti vardır.
Müəllim əməyinin əhəmiyyətli olduğunu vurğulayan ümumilli lider H.Əliyev demişdir:
―müəllim vəzifəsi ona görə şərəflidir ki, o, cəmiyyət üçün ən dəyərli, bilikli, zəkalı, tərbiyəli
vətəndaşlar hazırlayır‖.
Azərbaycanda iki mindən çox məktəbəqədər, 4-5 mindən çox ümumtəhsil, 60-dan çox orta
ixtisas, 50-yə qədər ali ali təhsil müəssisələrində təhsil olan uşaq və gənclərin təlim və tərbiyəsi ilə
məşğul olan 400 minə qədər pedaqoji işçinin hər biri öz vətənini sevən əsl vətəndaş, əsl tərbiyəçidir.
Azərbaycanını xoşbəxt gələcəyi, layiqli davamçıların hazırlanması məhz müəllim əməyindən asılıdır.
Bu insanların hər biri tarix qarşısında, dövlətin taleyi naminə xalq, vətən qarşısında borclarını aydın
dərk edirlər. H.Əliyevin geniş və çoxcəhətli fəaliyyətini öyrənmək və öz yetirmələrini bu ruhda tərbiyə
etmək üçün pedaqoji işçilər çox iş görürlər.
Ulu öndər H.Əliyevin yaradıcılıq, quruculuq qabiliyyəti olmuşdur. Xalqın tarixinin, həyatının
çətin və həlledici anları olduğu zaman ümummili lider ölkəni parçalanıb məhv olmaq təhlükəsindən
xilas etmişdir. Onun xilaskarlıq missiyasını yerinə yetirmək məharətini gənc nəslə çatdırmaq və onları
bu ruhda tərbiyə etmək müəllim və tərbiyəçilərin öhdəsinə düşür. Elə buna görə də yeniyetmə və
gənclərimiz hər işdə, hər sahədə böyük rəhbərə oxşamağa çalışır, ona xas olan mənəvi keyyfiyyətləri
mənimsəməyə səy göstərirlər. Məhz belə bir fəaliyyət nəticəsində böyük rəhbərə qarşı sevgi və
məhəbbət vardır. Məktəbdə, küçədə, evdə-hər yerdə H.Əliyevin fəaliyyətindən, xeyirxahlığından ürək
dolusu, iftixarla söhbət açılır. Televiziya kanallarından, təhsil ocaqlarından öyrəndikləri biliklər böyük
rəhbərə sevgi və məhəbbət yaratmışdır. Ətraf aləmdən aldığı məlumatlar, müəllimlərin dediyi xoş
sözlər yeniyetmə və gənclərə ruh yüksəkliyi verir, müstəqil Azərbaycanın gözəl gələcəyinin olacağına
inanırdı.