2 nömrəli Bakı Baza Tibb Kolleci 63 Azərbaycanda sovet milli siyasəti . SSRİ-nin təşkili ilə Azərbaycanın formal müstəqilliyinə də son qoyuldu. Azərbaycan Sovet
Rusiyasının müstəmləkəsinə çevrildi. Sovet Rusiyası müstəmləçəkilik məqsədini həyata keçirmək
üçün milli kadr qıtlığı adı ilə Azərbaycana Rusiyadan rus, erməni, yəhudi millətindən olan
nümayəndələrini göndərdi. Bu tədbirlər nəticəsində azərbaycanlılar arasında işsizlik artdı.
Azərbaycanda, xüsusilə Bakıda əhalinin milli tərkibi köklü surətdə dəyişdi. 1920-ci illərdə
Azərbaycanda dövlət dili faktiki olaraq rus dili tuturdu.
Sovet milli siyasətinin əsas istiqamətlərindən biri milli mədəniyyətimizə, dəyərlərimizə və milli
adət-ənənələrimizə sovet rejiminin etinassız yanaşması, qadağa və yasaqlardan istifadə olunması idi.
Din əleyhinə mübarizə adı altında islam mədəniyyətinə qadağalar qoyulur, məscidlər dağıdılır və
anbarlara çevrilir, ruhanilərə divan tutulurdu. Vaxtaşırı ―Rədd olsun tar, kamança‖, ―Rədd olsun
papaq, çadra‖ şüaları altında gənclərin yürüşləri keçirilirdi.
Azərbaycan kommunist rəhbərliyində olan milli kadrlar arasında təfriqə yaradıldı. ―Sağlar‖ və
―sollar‖, ―qocalar və ―cavanlar‖ adı altında yaradılan qarşıdurma N.Nərimanovun Azərbaycan
rəhbərliyindən uzaqlaşdırılması ilə nəticələndi.
Sovet Azərbaycanında sosialistcəsinə “yenidənqurmalar” və onların sosial-iqtisadi və siyasi nəticələri. Birtərəfli sənayeləşdirmə XX əsrin 20-ci illərinin ikinci yarısından etibarən Azərbaycanda da xalq təsərrüfatının bütün
sahələrinin sosialistcəsinə yenidən qurulmasına başlanıldı. Sənayeləşdirmə, kollektivləşdirmə, bolşevik
ideologiyasına xidmət edən mədəni quruculuq, planlaşdırma və idarəçilikdə sərt mərkəzləşmə,
kommunist partiyasının bölünməz və şəriksiz ağalığının bərqərar edilməsi yenidənqurmanın başlıca
istiqamətləri idi.
Sənayeləşdirmə xətti əməli olaraq 1925-ci ilin dekabrında irəli sürüldü. Azərbaycandakı
sənayeləşdirmənin Rusiyadakından fərqi idi ki, əgər Rusiyada maşınqayırmaya, ağır və hərbi sənayeyə
üstünlük verilirdisə, Azərbaycan neft sənayesi və elektrik enerjisi istehsalı xüsusi önəm daşıyırdı.
1937-ci ildə SSRİ-də istehsal olunan neftin 76 faizini Azərbaycan verirdi. Sənayeləşdirmənin
həyata keçirilməsi nəticəsində Azərbaycan aqrar ölkədən aqrar-sənaye ölkəsinə çevrildi.
