Fənn: Azərbaycan tarixi Şöbə: “Tibb bacısı işi” 2 nömrəli Bakı Baza Tibb Kolleci

 
Azərbaycan SSR 1940-cı illərin ikinci yarısı-60-ci illərdə. 
Totalitar rejimin daha da gücləndirilməsi 
Müharibədən sonrakı dövrlərdə mərkəzi bütün siyasi hakimiyyət Stalinin, respublikarda isə 
Kommunist Partiyası Mərkəzi Komitələrinin birinci katiblərinin əlində idi. 
Sosializmin bir ölkə çərçivəsindən çıxıb dünya sisteminə çevrilməsi, nüvə silahının əldə edilməsi 
bütün SSRİ-də olduğu kimi, Azərbaycanda da totalitar rejimin güclənməsinə səbəb oldu. 
Azərbaycan SSR-də totalitar rejimin bərqərar olunmasında Dövlət Təhlükəsizlik Komitəsinin və 
Daxili İşlər Nazirliyinin mühüm rolu oldu. 
Müharibədən sonrakı dövrdə Azərbaycan xalqının tarixi saxtalaşdırılır, xalqın soykökünün 
öyrənilməsində qəsdən dolaşıqlıq yaradılır, Şimali Azərbaycanın Rusiya tərəfindən işğal edilməsi 
könüllü birləşmə kimi qələmə verildi. Azərbaycan Xalq Cümhuriyyətinin fəaliyyəti isə ümumiyyətlə 
tariximizdən çıxarılmışdı. 
1949-cu ildə XIX əsr Azərbaycanda ictimai və fəlsəfi fikir tarixindən adlı əsərində Şeyx Şamil 
hərəkatını Rusiyanın müstəmləkəçilik siyasətinə qarşı mübarizə kimi qiymətləndirdiyinə görə filosof, 
akademik Heydeər Hüseynov ingilis casusu adlandırıldı və ona verilmiş Stalin mükafatı geri alındı. 
Haqsız təqiblərə məruz qalan alim dözməyərək intihar etdi. 
Azərbaycanın erkən orta əsrlər dövrünə aid qiymətli əsər olan Kitabi Dədə Qorqud dastanı feodal 
münasibətlərini təbliğ etməkdə ittiham olunur, ona feodal-xan eposu damğası vurulur, onun 
tədqiqatçıları təqibə məruz qalırdı. 
Bu dövrdə bir çox Azərbaycan alimləri və ədəbiyyat xadimləri də haqsız təqiblərin qurbanı 
oldular.
Azərbaycanın itirilmiş dövlətçiliyini bərpa etmək üçün daxilindəki vətənpərvər tələblər 
Gülhüseyn Hüseynoğlu, İsmixan Rəhimov və Hacı Zeynalovun başçılığı ilə yaradılmış İldırım adlı 
gənclər təşkilatı Azərbaycan dilinin sıxışdırılmasına etiraz etmiş və müstəqil Azərbaycan 
Respublikasının bərpa olunması ideyalarını yaymağa cəhd göstərmişdi. Təşkilatın gizli fəaliyyətinin 
üstü açılmış, üzvləri həbs olunmuşdu. Xaricdəki mühacirlərdə sovet rejiminə qarşı mübarizəni davam 
etdirirdilər. M.Ə.Rəsulzadə 1949-cu ildə Ankarada Azərbaycan kültür dərnəyi yaratmış, Ə.Fətəlibəyli-
Düdəngski 1945-1949-cu illərdə Almaniyanın Münhen şəhərində fəaliyyət göstərən Azadlıq 
radiostansiyasının Azırbaycan şöbəsinin redaktoru olmuşdur. O, 1954-cü ildə Sovet casusu tərəfindən 
öldürüldü.