Fənn: Çıxan protezlərin hazırlanma texnikası Şöbə: “Ortopedik stomatologiya” 2 nömrəli Bakı Baza Tibb Kolleci

 

Protezin  küvetə basdırılması,  polimerizasiya. 

 

Dişlər  düzüldükdən  sonra,  mum  bazisini  xəstənin  ağzında  həkim  yoxlayır.  Əgər  heç  bir 

narahatçılıq və heç bir qüsür olmadıqda mum bazisini  modelə bərkidirik və sonuncu modelləşdirmə 

edirik. Bütün dişlərin səthi mumdan tam təmizlənir. Dişlərin boynu qabaq tərəfdən tam açıq olmalıdır. 

Üst  çənədə  arxa  dişlərin  2/3  hissəsini,  frontal  dişlərin  isə  1/3  hissəsi  mumla  örtülü  olmalıdır.  Alt 

çənədə  həm  arxa,  həm  də  qabaq  dişlərin  arxa  tərəfləri  2/3  hissəsi  mumla  örtülü  olmalıdır.  Protez 

bazisinin  qalınlığı  bərabər olmalıdır.  Aşağı  çənə  bazisi  bir  qədər  qalın  modelləşdirilir,  çünki  sahəsi 

kiçikdir. Bazisin qalınlığı üst çənədə 1,5-2 mm, alt çənədə 2-2,5 mm olmalıdır. Protezin sərhəddi A 

xəttinə  doğru  hamar,  eyni  qalınlıqda  aparılır  və  tam  nazildilir.  Bazisin  kənarları  dairəvi,  hamar 

olmalıdır. Sonda pambığı benzinə batıraraq süni dişlərin üzərindəki mum təmizlənir. 

Mum  kompozisiyasının  plastmasla  əvəz  olunması  üçün  küvetdən  istifadə olunur.  Model  duru 

gips  vasitəsi  ilə  küvetin  əsasina  bərkidilir.  Gips  quruduqdan  sonra  üst  hissəsi  qoyulur  və  duru  gipslə 

doldurulur. 

Gipsləmənin 3 üsulu var: əks, düz (birbaşa), qarışıq (kombinəedilmiş). 

Əks  gipsləmə  zamanı  küvetdəki  gips  mum  kompozisiyasının  sərhəddinə  qədər  olmalıdır. 

Küvetin  əsasında  yalnız  gips  model  qalır,  süni  dişlər,  qarmaqlar  küvetin  yuxarı  hissəsində  kontur 

küvetə keçir. 

Düz gipsləmə zamanı küvetdəki gips vestibulyar tərəfdən süni dişlərin hamısını, frontal dişlərin 

kəsici xəttinə qədər örtməlidir. Bu üsulda süni dişlər, qarmaqlar və model küvetin əsasında qalır. 

Qarışıq gipsləmə ön dişlərdə qüsurlar olduqda tətbiq olunur. Küvetin  əsasında model, ön süni 

dişlər, klammerlər qalır, kontur küvetə isə çeynəmə dişlər keçir. 

 

Polimerləşdirmə: Gips hələ isti ikən nazik qat  “İzokol”çəkilir. Sonra ikinci qat çəkilir. Bir süni 

dişə 1 qr (1 protezə 8-12 qr) plastmas tozu (polimer) götürülür və doyana qədər monomer əlavə edilir. 

Çini və ya şüşə bankada  qarışdırılır. Süni dişlər və klammerlər monomerlə yağsızlaşdırılır. Plastmas 

porsiyası götürülür, forma verilir və küvetin əsasına doldurulur. Küvet bağlanır, preslənir (10-15 dəq), 

sonra bügelə bərkidilir və polimerləşməyə gedir. Polimerizasiya bitdikdən sonra (45 dəq) küvet açılır 

və plastmas protez gipsdən ayrılır.