354
Əmək haqqının artmasının əmək məhsuldarlığının artması ilə müşayiət
olunması vacib məsələdir. Bu, daxili istehlakın iqtisadi artımın aparıcı qüvvəsi
kimi çıxış etməsinə və əmək məhsuldarlığının artmasını, əmək şəraitinin yax-
şılaşmasını, sosial bərabərsizliyin azaldılmasını təmin etməyə, həmçinin stabil
və “inkluziv” inkişafın yaradılmasına imkan yaradacaq. Aqrar sektorda sahib-
karlığın və məşğulluğun, habelə ekoloji təmiz istehsalın artmasına yönəldilmiş
dövlət tədbirləri lazımdır. Belə siyasət ölkələrə əmək məhsuldarlığının iqtisa-
di artım ilə ayaqlaşmaq iqtidarında olmadığı şəraitdə “orta gəlir səviyyəsinin
tələlərindən” qaçmağa kömək edə bilər. Orta-gəlirli ölkələrin böhrandan sonrakı
dövrünün makroiqtisadi strukturu üçün birinci dərəcəli məsələ - iqtisadi artımın
nəzərdə tutulmuş templərindən, inflyasiya səviyyəsindən və dövlətin maliyyə
resurslarının dayanıqlığından asılı olmayaraq, əmək fəaliyyətinə yararlı əhalinin
tam məşğuliyyətlə təmin edilməsidir. Daha effektiv sosial müdafiə sistemi iqti-
sadi artımın yeni mənbələrinin axtarışı və yoxsul əhalinin gəlirlərinin sonrakı
azalmasının qarşısının alınması üçün ölkələrin səylərini dəstəkləyə bilər. Böh-
ran bəzi ölkələri işsizlik üzrə sosial sığorta sxeminin genişləndirilməsi variantını
nəzərdən keçirməyə vadar etmişdir.
Dostları ilə paylaş: 
