|
Genetika müasir biologiyada əsas yer tutaraq iki əsas məqsəd güdür;
Birincisi, irsiyyət və dəyişkənliyin qanunauyğunluqlarını dərk etmək və ikincisi- bu qanunauyğunluqların praktiki istifadəsi üçün yeni yollar axtarmaq.Hər iki məqsəd bir-biri ilə sıx bağlıdır. Birinci məqsədin həlli üçün genetika 4 əsas problemi öyrənir.
1.Birincisi-genetik məlumatın saxlanılması problemi,yəni hüceyrənin hansı maddi strukturunda genetik məlumat saxlanılır.
2.İkincisi- genetik məlumatın ötürülməsi problemi.Genetik məlumatlar hüceyrədən-hüceyrəyə,nəsildən-nəsilə hansı mexanizmlər əsasında ötürülür.
3.Üçüncüsü- genetik məlumatın realizə olunması problemi. Burada genetik məlumatın, inkişafda olan orqanizmin konkret əlamətlərində ,xarici mühitin təsiri ilə mübadilə əsasında necə təzahür olduğu öyrənilir.
4.Dördüncüsü- genetik məlumatın dəyişilməsi problemi. Burada genetik məlumatın dəyişkənliyinin tipləri, onu yaradan səbəblər və mexanizmlər müəyyənləşir.
Genetikada bütün bu problemlər müxtəlif səviyyələrdə -molekulyar,hüceyrə, orqanizm, populyasiya səviyyələrində öyrənilir.
Dostları ilə paylaş: | 
