Çölmək II cölməx (Lənkəran, Ordubad, Culfa) - xörək bişirmək üçün saxsı qab. Bu növ qab (qazan) Naxçıvan Respublikası və Lənkəran zonasında geniş izlənir. Məsələn:
Çölmədə ət bişirillər (Culfa);
Nənəm çölməydə xörəy bişirmişdi;
Çölməy düşdi yerə tikə-tikə oldi (Lənkəran);
Çölməxdə biz qərtop bişirərıx(Ordubad) (l,s.450).
Bu söz qədim türk dilinin yazılı abidələrində “cülmək” formasında həmin mənada işlənir (33,s.221; 29,s.l3).
Badya // badyə. Bu söz badyə formasında Bakı və Şamaxı dialekt və şivələrində, badya formasında Şuşa, Gəncə, Qazax dialekt və şivələrində, bayda formasında isə Şuşa və Tovuz dialekt və şivələrində işlənir. Onun mənası “süd sağılan ağzı gen mis qab” deməkdir, məsələn:
Bu leksik vahid yuxarıda qeyd olunan mənada “Kitabi Dədə Qorqud” dastanlarında (12,s.l62) və şifahi xalq ədəbiyyatı nümunələrində işlənmişdir (Bayatılar. Bakı, 1960,s.93; 29,s.l3).
Çalxar - dəridən düzəldilmiş nehrə. Bu söz çalxar formasında Laçın və Naxçıvan dialekt və şivələrində, çalxor formasında Qubadlı dialektində işlənir, məsələn: Çalxari təmiz saxla (Laçın); Çalxarda bir az yağ var (Naxçıvan); Keçi dərisinnən yaxşı çalxor olur (Qubadlı) (l,s. 434).
