Tarixi - etnoqrafik istiqamət. N.Alxasovanm, A.Mustafayevin, K.Bunyadovun, N.Maleyevin, Ə.Əhmədovun, H.Həvilovun araşdırmaları əsasən bu istiqamətdədir. Müəlliflər Azərbaycan xörəklərinə maddi mədəniyyətin bir hissəsi kimi yanaşaraq və milli yemək- lərin tarixini, gündəlik həyatda, məişətdə, mərasimlərdə işlənmə qaydalarını, milli mətbəxlərin yaxınlığını, yeməklərin növ və çeşidlərini, onların fərqli xüsusiyyətlərini müxtəlif zonalar əsasında öyrənərək belə qənaətə gəlmişlər ki, bu yeməklərin böyük əksəriyyəti ümumtürk, bəziləri isə ümumqafqaz səciyyəsi daşıyır . Bu ümumilik Qafqaz xalqları arasındakı əlaqə və qarşılıqlı ünsiyyət nəticəsində yaranmışdır (3, 4, 8, 15).
