Hava zərbə dalğası

Adi qırğın vasitələri

Adi qırğın vasitələrinə yandırıcı, qəlpəli, fuqas, kumulyativ, betondağıdıcı və həcmi partlayış sursatları aiddirlər.

Yandırıcı silah
Yandrıcı silah yandırıcı maddələr və onların tətbiq vasitələridir. Yandırıcı silah düşmənin canlı qüvvəsini, texnikasını, silahlarını, iqtisadi obyektlərini və digər material vəsaitlərini məhv etmək, sıradan çıxartmaq üçündür.
Yandırıcı silahın əsas zərərverici amilləri istilik amilləri və insan üçün toksiki olan yanma məhsullarıdır.

Yandirci maddələr və qarışıqlar – alışıb yana bilən və yandıqda böyük miqdarda istilik ayıran maddələr və ya maddələr qarışığıdır.

Yandırıcı maddələr və qarışıqlara aiddirlər:

• 
  neft məhsulları əsasında olan qarışıqlar (napalmlar);
  
• 
  metallaşdırılmış qarışıqlar (pirogellər);
  
• 
  termit və termitli tərkiblər;
  
• 
  elektron;
  
• 
  adi (ağ) və plastifikləşdirilmiş ağ fosfor;
  
• 
  qələvi metallar;
  
• 
  öz-özünə alovlanan yandırıcı qarışıqlar.
  

Neft məhsulları əsasında olan yandırıcı qarışıqlar qatılaşdırılmış və qatılaşdırılmamış olurlar.
Ən çox yayılmış qatılaşdırılmış yandırıcı qarışıq napalmdır.
Napalm qatı, yapışqan kütlə olub, qatılaşdırıcıdan asılı olaraq narıncı, sarı və ya qəhvəyi rəngli olur. Napalm sudan yüngüldür, su üzərində yanır. Yandıqda 1000-1200 ⁰S temperaturlu istilik verir. Qatılaşdırıcıdan asılı olaraq yanma vaxtı 5-10 dəqiqə olur.