95
Nafas olish o‘simliklarning turiga, yoshiga va yashash muhitiga bog‘liq. Yosh organizmlarda
nafas olish kuchli bo‘ladi. O‘simlik hayotining oxirida esa nafas olish jadalligi pasayib boradi. Ti-
nim holatdagi urug‘larda nafas olish jadalligi juda past bo‘ladi. Tashqi muhit omillari nafas olishga
turlicha ta’sir qiladi. O‘simlik o‘sayotgan muhitda mineral moddalar ko‘paysa, ularning ildizlarida
nafas olish jadalligini kuchaytiradi.
Rasmda o‘simlik organlarida nafas olish jadalligini o‘rganish tasvirlangan
(6.6-rasm)
.
Siz bu rasmni qanday izohlaysiz?
Ontogenez davomida nafas olish jadalligi o‘zgaradi. O‘simliklarning nisbatan yosh organ-
lari va to‘qimalarida nafas olish jadalligi yuqori bo‘ladi. Yosh barglar o‘sgan sari ulardagi
nafas olish jadalligi ortib boradi. Barg o‘sishdan to‘xtasa, nafas olish ham sekinlashadi. Quruq
urug‘lar juda sekin nafas oladi. Urugʻlar unib chiqqach va keyinchalik nihol oʻsishi davomida
ularning nafas olishi bir necha ming marta oshadi. Oʻsimliklarning faol oʻsish bosqichi tugashi
bilan ularning nafas olishi susayadi.
Dostları ilə paylaş: