Ibragimova nafosat shuhrat qizi bitiruv malakaviy ishi mavzu: dilafgor adabiy merosi
Bitiruv ishining tuzilishi va hajmi
Yüklə 0,49 Mb. Pdf görüntüsü
|
- Bu səhifədəki naviqasiya:
- Shoir zamondoshlari bo‘lgan tazkiranavislarning asarlarida uchraydigan malumotlar
|
Bitiruv ishining tuzilishi va hajmi.
Bitiruv ishi kirish, to‘rt faslni ichiga olgan ikki asosiy bob, xulosa va foydalanilgan adabiyotlar ro‘yxatidan iborat. 7 I BOB. DILAFGOR TARJIMAI HOLIGA OID MA’LUMOTLAR VA SHOIR SHE'RLARINING MATNIY TADQIQI 1.1. Dilafgor tarjimai holiga oid ma’lumotlar Dilafgor tarjimai holi va ijodiy merosiga doir ma'lumotlar unchalik ko‘p emas. Mavjud manbalar ham mazkur ijodkor faoliyati haqida muxtasar xabarlar shaklidadir. Mavjud manbalarga tayangan holda shoir Dilafgor hayoti va ijodi haqidagi ma'lumotlarni quyidagicha tasniflash mumkin: 1) shoir zamondoshlari bo‘lgan tazkiranavislarning asarlarida uchraydigan ma'lumotlar. 2) muallif asarlarida uchraydigan ma'lumotlar. Shoir zamondoshlari bo‘lgan tazkiranavislarning asarlarida uchraydigan ma'lumotlar . Shuni qayd etish kerakki, agar ijodkorlar o‘z tarjimai hollarini yozib qoldirmagan bo‘lsa, ular to‘g‘risida bir gap aytish mushkul. Bunday sharoitda ular haqidagi ma'lumotlar tazkiralardan qidirib topiladi. Ma'lumki, Dilafgor ham o‘zi haqida batafsil ma'lumot yozib qoldirmagan. Uning hayoti va ijodiga oid ma'lumot Po‘lotjon Domulla Qayyumiyning “Tazkirai Qayyumiy” asarida uchraydi. Tazkirada: “Bu kishi Toshkent shoirlaridan bo‘lib, Piskand qasabasidandur. Nomi Mulla Abdulboriy bo‘lib, nima kasbda ekani bilinmaydi. Andijon shahridan turib Vataniga xat yozganidan Farg‘ona vodiysiga kelib yurgani, savdogar bo‘lgani ehtimol tutiladur. 1914 yilda 48 betli devonchasini Toshkentda o‘z xarajoti ila toshbosmada bosilib chiqdi”, - deyiladi va “Salomnoma” turkumidagi asaridan bir band keltiriladi 1 . Po‘lotjon Domulla Qayyumiy domla Dilafgor ijod namunalari bilan yaqindan tanish bo‘lganligidan yuqoridagi xulosaga kelgan deyish mumkin. Shu o‘rinda shoirning kasb-kori, asli ismi kabi jihatlar haqida boshqa manbalarda o‘zgacha ma'lumotlar borligini ta'kidlash zarur. Yani Dilafgorning o‘zi tomonidan nashr qilingan “Gulshani Dilafgor” kitobining birinchi sahifasida “Mulla Abdulboriy” deb qayd qilinganiga 1 Пўлотжон домулла Қайюмий. Тазкираи Қайюмий. – Т.: 1998. 2-жилд. – Б.379. 8 qaramay u o‘zini kitob so‘ngida “Kitobfurush mullo Bo‘riboy Shermuhammad o‘g‘li” deb tanishtiradi. Shoir Piskent ahliga mulla Bo‘ri Shermuhammad hoji o‘g‘li Dilafgor nomi bilan ma'lum va mashhur bo‘lib, u 1877-1949 yillarda yashab, ijod etgan. Shoirning otasi Shermuhammad hoji Fayziboy hoji o‘g‘li mirishkor dehqon, onalari Bunisa otin nihoyatda ilmli ayol bo‘lgan. Bunisa otindan taniqli olima Muzayyana Alaviya, piskentlik Hamroh otin, Tursun otin, Huri otinlar tahsil olgan. Dilafgorning uch o‘g‘li va ikki qizi bo‘lgan. Katta o‘g‘li Jo‘raning Abbos va salomat ismli farzandlari bor. Quddus va Yunus ismli o‘g‘illari Ikkinchi jahon urushiga ketib, halok bo‘lishgan. Quddusning o‘g‘li Sobir Said qishlog‘ida yashab o‘tgan. Katta qizi Sharifa hozir 85 yoshdan o‘tgan bo‘lib, Toshkentda istiqomat qiladi. Ikkinchi qizi Latifa ham Toshkentda yashab o‘tganlar. Mulla Abdulboriyning ikki ukasi bo‘lgan: katta ukasi Mirzaahmad Ikkinchi jahon urushida halok bo‘lgan (1943 yil). Uning Rustam va Elnora ismli farzandlari bo‘lib, qizi hozir ham Toshkent shahrida istiqomat qiladi. Ukasi Bekmuhammadning ikki qizi va bir o‘g‘li bor. Dilafgorning Dono va Ulug‘bu ismli singillari bo‘lgan. Bundan tashqari, shoirning Oynisa, Muharram va Tuhfaniso ismli singillari ham bo‘lgan. Otasi Shermuhammad hoji ikkinchi bora haj safariga otasi Fayziboy hoji bilan birga borgan. Fayziboy hoji uchun bu uchinchi haj safari bo‘lib, shu uchinchi ziyoratda Makkai mukarrama shahrida vafot etganlar 1 . Dilafgor hayoti va ijodiy faoliyati to‘g‘risida ancha batafsil ma'lumotlar Mo‘minjon Muhammadjon o‘g‘li Toshqinning “Toshkent shoirlari” tazkirasida uchraydi. Jumladan, tazkirada Dilafgor haqida quyidagi ma'lumotga duch kelamiz: Yüklə 0,49 Mb. Dostları ilə paylaş:
|