|
Atmosferin elektrik halı. Havanın fiziki xassələrindən biri də onun elektrik vəziyyətidir. Atmosferin elektrik halını xarakterizə edən ən mühüm elementlər onun ionlaşması, elektrik və maqnit sahəsi yaratmasıdır.
Havada həmişə müsbət və mənfi yüklü hissəciklər mövcuddur. Atmosferin aşağı qatlarında aeroionların yaranmasının əsas səbəbi torpaqda, suda, havada olan radioaktiv maddələrin şüalanması və kosmik şüalanma nəticəsində qazların ionlaşmasıdır. İonlaşdırıcı agetin qaz molekuluna və ya atomuna təsirindən neytral atom elektron itirərək müsbət iona çevrilir.
İonlaşmış hava insan orqanizminə mənfi təsir göstərir. Bu zaman bir çox fizioloji funksiyalar pozulur, ümumi hal pisləşir, zəiflik, baş ağrıları, yuxululuq, qan təzyiqinin yüksəlməsi müşahidə edilir. Bəzən müəyyən xəstəlikləri (bronxial astma, nevrozlar və s.) müalicə etmək üçün havanı süni sürətdə ionlaşdırmaq lazım gəlir.
Müəyyən edilmişdir ki, hava ilə yer səthi arasında elektrik sahəsi vardır. Atmosferin elektrik sahəsində təbii dəyişiklərin fizioloji təsirinə dair əsaslı məlumat yoxdur.
Dostları ilə paylaş: |
