Beləliklə, alınan nəticə ölkəmizdə tədris prosesində müasir tədris avadanlıqları
və resurslardan istifadəyə kifayət qədər yer verilmədiyini göstərir. «Elektron
məktəblər» istisna olmaqla, digər məktəb tiplərində tədris prosesində müasir tədris
avadanlığı və resurslardan sistematik istifadə edilməməkdədir. Məlumatlarının və
imkanlarının qeyri-kafi olması üzündən müəllimlər bir çox hallarda ənənəvi metod-
lara üstünlük verir və müasir tədris avadanlıqları və resursları ilə bağlı yenilikləri
mütəmadi olaraq izləmirlər.
Onların kompüter biliklərinin zəif olması, təhsil prosesini dəstəkləyən elektron
tədris avadanlıqları və resurslardan səmərəli istifadə üzrə bilik və bacarıqlarının
yetərli olmamaması da təhlil nəticəsində ortaya çıxan həqiqətdir.
Müasir tədris
avadanlıqları və resurslarının nəzəri faydaları nə qədər çox olursa-olsun, bunların
tədris prosesində istifadəsi üçün həm müəllimlərin, həm də şagirdlərin müəyyən
səviyyədə bilik və bacarıqlara sahib olması əsas şərtlərdəndir.
Məktəb tipləri arasındakı böyük fərqin aradan qaldırılması
üçün əlavə işlər
görülməlidir. Ümumtəhsil məktəblərinin infrastrukturunun yaxşılaşdırılması, müasir
tədris avadanlıqları və resurslardan istifadə edərək yeni tədris proqramlarının
yaradılması respublikada bu cür tədqiqatların aparılmasına fayda verəcəkdir.
AZƏRBAYCAN MƏKTƏBİ. 2019. №2
44
İNNOVASİYALAR
Qrafik 12.
Ağıllı (smart) lövhədən istifadə ilə bağlı
şagirdlərin ümumi cavab
göstəriciləri
