İnsan-maşin interfeysi Əsas anlayişlar

İstifadəçi interfeysi (ing. user interface) — Elə interfeys növüdür ki, bir tərəf insan (istifadəçi) tərəfindən , digər tərəf isə maşın tərəfindən təqdim olunur,yəni istifadəçilər kompüterlər vasitəsilə rahat "ünsiyyət" qururlar. Əsasən iki formada özünü göstərir:

• 
  Daxiletmə. İstifadəçiyə sistem üzərində işləmək imkanı verir.
  
• 
  Xaricetmə. Sistemə istifadəçinin nə etdiyini müəyyən etmək imkanı verir.
  

İstifadəçi interfeysi – kompüter proqramının istifadəçi ilə qarşılıqlı əlaqədə olma üsulu.

İstifadəçi interfeysinin 3 əsas növü var:

1.Əmr dilləri. İstifadəçi göstərişləri klaviatura vasitəsilə verirsə və proqram məlumat sətirləri ilə cavab verirsə, proqram əmr sətri interfeysinə malikdir; məsələn, DOS, OS/2, yaxud VAX/VMS sistemlərində istifadəçi klaviaturadan dir komandasını verməklə faylların siyahısını əldə edə bilər.

2. Menyular. Proqrama komandalar menyu sistemi vasitəsilə verilirsə, proqram menyu ilə idarə olunan interfeysə malikdir. Menyular hərdənbir istifadə olunan proqramlar üçün ideal olur, ancaq təcrübəli istifadəçilər onu çox yavaş hesab edə bilər.