|
Verilənlərin çevrilməsinin harada aparılmasına görə ETL prosesini 3 üsulla reallaşdırmaq olar:
1) aralıq yaddaşdan istifadə edilməsi;
2) aralıq yaddaşdan istifadə edilməməsi;
3)verilənlərin çevrilməsinin VA serverində aparılması.
ETL prosesinin təşkilinin ümumi qəbul edilmiş üsulu aralıq yaddaşından istifadə edilməsinə əsaslanır (şəkil 8.1).
İlkin mənbələrdən çıxarılmış verilənlər aralıq yaddaşa yazılır. Aralıq yaddaş kimi VB-dən və ya ayrı-ayrı fayllardan istifadə edilir. Aralıq yaddaşda yerləşdirilmiş verilənlər üzərində çevrilmə və təmizlənmə prosedurları aparılır və sonra onlar VA-ya yüklənir.
Verilənlərin Verilənlərin Verilənlərin
çıxarılması çevrilməsi yüklənməsi
Şəkil 8.1. Aralıq yaddaşdan istifadə etməklə ETL prosesinin təşkili
Baxılan üsula alternativ olan digər üsulda verilənlərin çevrilməsi ETL-serverin əməli yaddaşında aparılır və alınan nəticələr birbaşa VA-ya yüklənir (şəkil 4.7).
Verilənlərin Verilənlərin Verilənlərin
çıxarılması çevrilməsi yüklənməsi
Şəkil 8.2. Aralıq yaddaşdan istifadə etmədən ETL prosesinin təşkili
Əməli yaddaşda verilənlərin çevrilməsi 1-ci üsulla müqayisədə daha sürətlə aparılır. Lakin əməli yaddaşın tutumuna qoyulan məhdudluq VA-ya yüklənən verilənlərin porsiyasının ölçüsünü məhdudlaşdırır. Porsiyanın ölçüsü böyük olduqda aralıq yaddaşdan istifadə edilir.
ETL prosesinin təşkilində daha bir üsul verilənlərin çevrilməsinin VA-serverində aparılmasıdır (şəkil 4.8). Bu halda verilənlərin çevrilməsi onların VA-ya yüklənməsi prosesində yerinə yetirilir. Bu üsulun tətbiqi VA-serverin hesablama imkanları ilə təyin edilir.
Verilənlərin Verilənlərin
çıxarılması çevrilməsi və yüklənməsi
Şəkil 8.3. Verilənlərin çevrilməsinin VA-serverdə aparılması ilə ETL
prosesinin təşkili
Dostları ilə paylaş: | 
