Ájiniyaz atíndaǵÍ NÓkis mámleketlik pedagogikalíq institutí “Tastıyıqlayman” Túrkiy tiller fakulteti dekanı B. Davletov 2021-jıl «MÁmleketlik tilde is júrgiziw»

- R -
RÁSMIY ISLER STILI-rásmiy isler stili júdáturaqlı, óziniń belgili janrı, leksikası, frazeologiyası hám sintaksislik toplamlarına iye, bul stilde belgili bir shtamp (ózgermeytuǵın sóz hám toplamlar) kóbirek qollanıladı. Rásmiy isler stilinde kelbetlikler hám ráwishler kórkemlew quralı sıpatında qollanılmaydı.
REMA- sóylewshiniń ózi sóz etken teması jónindegi xabarı, tema haqqında qandayda bir jańalıq xabarlaytuǵın bólek.
REMARKA-[fr. remargus - túsinik]-dramalıq shıǵarmalardaǵı avtordıń túsindirme sózligi. Remarkalar pesanıń saxnaǵa qoyılıwında, rollerdiń jaqsı atqarılıwında ayrıqsha áhmiyetke iye, sebebi ol qaharmanlardıń túr-túsi, kásibi, is-háreketleri, minez-qulqı tuwralı túsinik beriledi.
REAL- [real-haqıyqat, shın].
RITM-sóylewdegi dawıs ırǵaǵınıń ózgeriwi: tez hám áste, sozımlı hám qısqa t. b. almasıp aytılıwı.
RITMIKA- sózlerdiń ritmlik qurılısın tekseretuǵın fonetika iliminiń bir tarawı.
- S -
SEMA-[gr. sema –belgi, tańba].
SEMANTEMA- 1. Semema. Sózdiń mánisi, predmetlik mazmunı. 2. Sózdiń leksikalıq mánige iye bolǵan bólegi.
SEMANTIKA-[gr. semantikos-ańlatıwshı] -1. Sózdiń yamasa grammatikalıq formanıń mánisi. 2. Semasiologiya.
SEMASIOLOGIYa-[gr. semasia- túsinik+logos-ilim]-sóz mánisi hám sol mánilerdiń ózgeriw jaǵdayların izertleytuǵın til ilimi.
SEMESTR-[lat. semestris-yarım jıllıq] -joqarı hám orta arnawlı bilimlendiriw orınlarındaǵı oqıw jılınıń jartısı.
SEMINAR-[lat.seminarium- awıspalı mánide: orda, derek, taralǵan jeri]-JOOda alıp barılatuǵın ámeliy sabaq.
SEMIOTIKA-[gr.semiotike belgi, tańba]- hár qıylı belgiler (tańbalar) sistemasınıń ulıwmalıq uqsaslıqların izertlewshi ilim.
SES-sóylew aǵzalarınan shıqqan dawıs aǵımınıń óz aldına máni ańlatatuǵın bólegi.