Jismoniy shaxslar

QANDAY TO„LAYMIZ 
Shuni qayd etish muhimki, Soliq kodeksida deklaratsiya bo‗yicha 
qo‗shimcha hisoblangan JSHDSning butun summasini bir vaqtda 
to‗lash talab qilinmaydi. Binobarin, uni qismlarga bo‗lib ham to‗lash 
mumkin, biroq butun summa 1 iyundan kechiktirmay to‗lanishi 
shartiga rioya etish lozim. 
Soliqni byudjetga bankdagi o‗z hisobvarag‗idan pul o‗tkazish, 
plastik kartochka vositasida, shuningdek soliq inspektsiyasi ko‗rsatgan 

---

186 
hisobraqamga bank kassasiga naqd pul mablag‗larini kiritish yo‗li bilan 
to‗lash mumkin. O‗zbekiston rezidenti bo‗lgan jismoniy shaxslar 
soliqni boshqa davlatda joylashgan bank hisobraqamidan xorijiy 
valyutada ham to‗lashlari mumkin. Ushbu holda milliy valyutadagi 
JSHDS summasi to‗lash kunidagi MB kursi bo‗yicha chet el 
valyutasida qayta hisoblanadi. 
Quyidagilar JSHDS to‗lash sanasi deb hisoblanadi: 
● bankdagi hisobraqamdan yoki plastik kartochkada to‗lashda – 
mablag‗lar bank yoki kartochka hisobraqamidan hisobdan chiqarilgan 
kun; 
● naqd pul mablag‗lari kiritilganda – mablag‗lar bank kassasiga 
kiritilgan sana. 
ORTIQCHA TO„LOVNI QAYTARISH MUMKINMI? 
Deklaratsiya ma‘lumotlari bo‗yicha JSHDS ning umumiy summasi 
hisob-kitob qilinganda haqiqatda to‗langan soliq summasi hisoblab 
yozilganidan ko‗p bo‗lib chiqadigan vaziyat vujudga kelishi mumkin, 
ya‘ni soliq bo‗yicha ortiqcha to‗lov hosil bo‗ladi. Biroq sizda boshqa 
soliqlar (mol-mulk yoki yer solig‗i) bo‗yicha yoki biror-bir soliqqa oid 
jarimalar va penyalar bo‗yicha qarz mavjud bo‗lsa, ortiqcha to‗langan 
soliq summasi birinchi navbatda bunday qarzni to‗lashga sarflanadi. 
Shuningdek siz ortiqcha to‗langan summani JSHDS bo‗yicha ham, 
boshqa soliqlar bo‗yicha ham bo‗lg‗usi to‗lovlar hisobiga inobatga 
olishingiz mumkin. Ortiqcha to‗langan soliq summasini qanday 
tartibda hisobga olish Soliq kodeksining 56-moddasida belgilangan. 
Soliqqa oid mavjud barcha qarzlar so‗ndirilgan, hisobga 
o‗tkazishlar amalga oshirilgandan keyin ortiqcha to‗langan soliqning 
qolgan summasi qaytarilishi kerak. Soliq kodeksining 57-moddasiga 
ko‗ra, qolgan summa sizning bankdagi hisobvarag‗ingizga pul 
mablag‗larini o‗tkazish orqaligina qaytarilishi mumkin. Qaytarish 
yozma arizangiz asosida, qaytarish to‗g‗risidagi ariza topshirilgan 
sanadan e‘tiboran 15 ish kuni ichida amalga oshiriladi. Biroq ortiqcha 
to‗langan soliq summasi hisobga olinishi yoki qaytarilishini soliq davri 
tugagandan keyin faqat 5 yil mobaynida talab qila olishingizni 
unutmang.