Jumayeva Irodaning Markaziy Osiyo xalqlari manbashunosligi fanidan yozgan kurs ishi

Toshkent davlat sharqshunoslik universiteti
Sharq sivilizatsiya va tarix fakulteti
Markaziy Osiyo xalqlari tarixi yoʻnalishi
4 kurs arab-nemis guruhi talabasi
Jumayeva Irodaning
Markaziy Osiyo xalqlari manbashunosligi
fanidan yozgan
KURS ISHI
Mavzu: Markaziy Osiyo tarixini o’rganishda Beruniy asarlari – muhim manba.

Toshkent 2022 yil

Mundarija:
Kirish
I BOB. Beruniyning hayoti va ilmiy faoliyati xususida

1. 
   Beruniyning hayot yo’li
   
2. 
   Abu Rayhon Beruniy asarlariga umumiy tasnif
   

II bob. Jahon ilm-fani rivojida Beruniyning «Qonuniy Ma’sudiy» hamda boshqa asrlaning tarixiy ahamiyati.
2.1. Beruniynig «Qonuniy Ma’sudiy» asarining tarixiy ahamiyati
2.2. Abu Rayhon Beruniy tarixiy manbashunoslikka qo’shgan xissasi
Xulosa
Foydalanilgan adabiyotlar ro’yxati

KIRISH

O’zbekiston mustaqil bo’lgandan so’ng xalqimiz ijtimoiy taraqqiyotida katta burilish yasaldi. Shu munosabat bilan respublikamizning nafaqat iqtisodiy, ijtimoiy va siyosiy hayotida, balki ma’naviy hayotida ham keskin yangilanish jarayoni ro’y bermoqda. Bu yangilanishda milliylikka, tariximizga, boy madaniy
merosimizga qiziqish, uni keng, har tomonlama ilmiy va haqqoniy o’rganishga intilishning kuchaya borishi muhim ahamiyat kasb etadi. Bu jarayon ma’naviyatimizning turli sohalari, jumladan ijtimoiy fanlarni o’rganishda ham o’zining yorqin ifodasini topmoqda.
Ma’naviyatning ajralmas tarkibiy qismi bu milliy tuyg‘udir. Milliy tuyg‘u – insonning o‘zi mansub bo‘lgan millatning tarixi, xususiyatlari, ruhiyati, hozirgi ahvoli va qadriyatlarini tug‘ma, hissiy anglashidir. Insonda milliy ong, tuyg‘u va g‘urur bo‘lmasa, u o‘zining qaysi millatga mansubligini his etmasa, bunday inson o‘zga millatlarning ham qadr-qimmatini anglab yetmaydi, unda tarbiyaning vatanparvarlik, jasorat, ishonch kabi shakllarini qaror toptirish to‘g‘risida gap ham bo‘lishi mumkin emas. Birinchi Prezdentimiz I.A.Karimovning ta’biri bilan aytganda, “Xalqimizning ma’naviyati va madaniyati, uning haqiqiy tarixi va o‘ziga xosligi qayta tiklanayotganligi jamiyatimizni yangilash va taraqqiy ettirish yo‘lidan muvaffaqiyatli ravishda olg‘a siljishda hal qiluvchi..., belgilovchi ahamiyatga ega”¹.deb ta’kidlab o’tadi. Shuning uchun ham Mustaqilligimizning dastlabki yillaridan boshlab Xalqimizning boy Tarixiy-Madaniy o’tmishini qayta tiklashga, Ajdodlarimizning Ilmiy – Ma’naviy merosini o’rganishga juda katta e’tibor berildi. Buning isboti sifatida Shaharlar va Tarixiy shaxslarning yubeleylarini keng miqyosda nishonlanishi, Buyuk allomalarimizning asarlarini qayta nashr etilishi va bu nashrlarning kamunnistik mafkura bo’yoqlaridan holi bo’lishi alohida ahamiyatga ega voqealar hisoblanadi. Birinchi Prezidentimiz I.A.Karimov o’tmishda ajdodlar tomonidan qoldirilgan milliy meros haqida fikr yuritar ekan: “Tarix millatning haqiqiy tarbiyachisiga aylanib bormoqda. Buyuk ajdodlarimizning ishlari va jasoratlari tarixiy xotiramizni jonlantirib, yangi fuqarolik ongini shakllantirmoqda. Axloqiy tarbiya va ibrat manbayiga aylanmoqda”² deb ta’kidlab o’tadi.