tovarlarning umum e’tirof etilgan oddiy nomlari shu tovarlarni belgilash uchun; (shu asos kazusga tushadi.)
korxona, tashkilot, muassasa va sohalarning umumqabul qilingan qisqartirilgan nomlari va abbreviaturalari;
Apellatsiya berish hammaninh huquqi.
“Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi Qonunning 16-modda.
Talabnoma beruvchi davlat ekspertizasidan o‘tkazish natijalari ustidan O‘zbekiston Respublikasi Adliya vazirligining Apellatsiya kengashiga (bundan buyon matnda Apellatsiya kengashi deb yuritiladi) qaror qabul qilingan sanadan e’tiboran uch oy mobaynida shikoyat berishga haqli.
Davlat ekspertizasidan o‘tkazish natijalari ustidan Apellatsiya kengashiga shikoyat berish tartibi O‘zbekiston Respublikasi Adliya vazirligi tomonidan “O‘zbekiston Respublikasi Adliya vazirligining Apellatsiya kengashiga apellatsiyalar va O‘zbekiston Respublikasida hammaga ma’lum tovar belgilari deb e’tirof etish to‘g‘risidagi arizalarni berish va ularni ko‘rib chiqish qoidalarini tasdiqlash haqida”gi buyruq iga asoslanib, belgilanadi.
Talabnoma beruvchi Apellatsiya kengashining qarori ustidan qaror qabul qilingan sanadan e’tiboran olti oy mobaynida sudga shikoyat berishga haqli.
Kazus №14
A. ismli shaxs o‘zi tomonidan 2016 yilda EHM uchun dastur yaratildi va bevosita o‘z ish faoliyatida ishlatishni boshlab yubordi. 2019 yilga kelib, B. ismli shaxs aynan ushbu EHM uchun dasturga nisbatan huquqiy muhofaza olish uchun Intellektual mulk agentligiga talabnoma topshirdi. Shundan so‘ng B. A.dan u tomonidan foydalanayotgan EHM uchun dasturdan foydalanishni to‘xtatishni, ushbu dastur unga tegishli ekanligini bildirdi.
EHM dasturlari Intellektual mulk huquqining qaysi obyekti sifatidan huquqiy muhofaza qilinadi? Fikringizni huquqiy asoslang.
O‘zbekiston Respublikasi “Mualliflik huquqi va turdosh huquqlar to‘g‘risida” Qonunining 6-moddasiga muvofiq barcha turdagi EHM uchun dasturlar, shu jumladan har qanday dasturlash tilida va har qanday shaklda, chunonchi boshlang‘ich matn hamda obyekt kodida ifodalanishi mumkin bo‘lgan amaliy dasturlar va operatsiya tizimlari mualliflik huquqi obyekti qatoriga kiradi.
O‘zbekiston Respublikasining “Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi to‘g‘risida”gi Qonuniga muvofiq vazifasi va afzalliklaridan qat’i nazar, obyektiv shaklda ifodalangan, bosib chiqarilgan hamda bosib chiqarilmagan, muallif (hammualliflar) ijodiy faoliyatining natijasi bo‘lgan, EHM uchun yaratilgan har qanday dasturlar va ma’lumotlar bazalariga nisbatan mualliflik huquqi tatbiq etiladi. EHM uchun yaratilgan dastur yoki ma’lumotlar bazasiga mualliflik huquqi toki aksi isbotlanmagunga qadar saqlanib qolaveradi. EHM uchun dasturlar yoki ma’lumotlar bazalariga nisbatan mualliflik huquqi ular yaratilgach yuzaga keladi. EHM uchun yaratilgan dastur yoki ma’lumotlar bazasiga bo‘lgan mualliflik huquqi e’tirof etilishi va ro‘yobga chiqarilishi uchun ro‘yxatdan o‘tkazish yoki o‘zga rasmiyatchiliklarga rioya etish talab qilinmaydi.
Dostları ilə paylaş: |
