O‘zbekiston Respublikasi Adliya vazirligining litsenzion va huquqlarni o‘tkazish bilan bog‘liq shartnomalarni ro‘yxatdan o‘tkazish bo‘yicha vakolatlarini aytib bering.
Litsenziya shartnomasiga ko‘ra taraflar qanday huquq va majburiyatlarga ega bo‘lishadi, fikringizni kazus doirasida asoslang.
Litsenziya shartnomasi asosida foydalanishga berish jarayonini tushuntiring.
Fikrlaringizni milliy va xalqaro huquqiy hujjatlar bilan asoslang
O‘zbekiston Respublikasining “Tovar belgilari, xizmat ko‘rsatish belgilari va tovar kelib chiqqan joy nomlari to‘g‘risida”gi qonuniga ko‘ra, tovar belgisiga doir huquqni boshqa shaxsga o‘tkazish to‘g‘risidagi shartnoma yoki litsenziya shartnomasi vakolatli organ (O‘zbekiston Respublikasi Adliya vazirligi)dan ro‘yxatdan o‘tkazilishi kerak. Ushbu tartib O‘zbekiston Respublikasi adliya vazirining 2022-yil 31-martdagi 8mh-son buyrug‘i (O‘zbekiston Respublikasi Adliya vazirligi tomonidan 2022-yil 31-martda 3359-son bilan davlat ro‘yxatidan o‘tkazilgan) bilan tasdiqlangan bo‘lib, tegishli shartnomani ro‘yxatga olish uchun O‘zbekiston Respublikasi Adliya vazirligiga quyidagi hujjatlar taqdim etiladi:
a) shartnomani ro‘yxatga olish uchun ariza.
b) belgilangan tartibda tasdiqlangan shartnoma yoki shartnomadan ko‘chirma uch nusxada.
g) meros qilib olishlik huquqi yoki vorislik huquqini tasdiqlaydigan hujjat (zarur hollarda);
d) vakilning vakolatlarini tasdiqlaydigan ishonchnoma;
ye) shartnomani ro‘yxatga olish uchun belgilangan miqdordagi patent boji yoki haq to‘langanini tasdiqlaydigan hujjat yoki patent boji yoki haq to‘lashdan ozod qilish uchun asoslarni tasdiqlaydigan hujjat.
Shartnomalarni ro‘yxatdan o‘tkazish bilan bog‘liq jarayonlarni to‘liq boshqarish O‘zbekiston Respublikasi Adliya vazirligi tomonidan yuritiladi.
Yuqoridagi holat bo‘yicha “Toshkent gullari” firmasi o‘z nomiga rasmiylashtirilgan “Atirgul” tovar belgisiga bo‘lgan huquqlarni litsenzion tarzda “Nurafshon” MCHJga o‘tkazilganligi bo‘yicha tuzilgan shartnoma O‘zbekiston Respublikasi Adliya vazirligidan ro‘yxatdan o‘tkazilishi lozim.
Dostları ilə paylaş: |