• Yüklərin qablaşdırılmasına və bərkidilməsinə aid sərt tələblərin olması
• Mürəkkəb liman infrastrukturunun yaradılmasına olan tələbat
• Multimodel olması
Böyük həcmli yükdaşımalar zamanı malların dənizlə daşınması ən optimal variant sayılır.
Dəniz yolu daşımaları adətən multimodal daşıma sxemlərində marşrutun yalnız bir hissəsi hesab
olunur. Hazırda beynəlxalq miqyasda dənizyolu daşımaları dünya yük daşımalarının 60%-ni təşkil
edir (BMT-nin hesabatına əsasən). Nəqliyyatın bu növünün belə populyar olması əsasən münasib
qiymətlər və böyük həcmli yüklərin daşınma imkanlarının geniş olması ilə əlaqədardır.
Konteyner daşımaları-transkontinental əlaqələrdə istifadə olunan yük daşınmalarının ən əlverişli
növlərindən biridir. Qarışıq və yaxud, belə demək olarsa, multimodal daşımaların konteynerlər
vasitəsilə həyata keçirilməsi yüklərin daşınması, saxlanılması və boşaldılıb yüklənməsi ilə əlaqədar
olan xərcləri azaltmağa imkan yaratdığı üçün daha effektli hesab olunur. İdxal və ixracla məşğul
olan ölkələrin yük daşımalarının əhəmiyyətli hissəsini dəniz nəqliyyatı ilə konteyner daşımaları
təşkil edir və bu nəqliyyat növü Cənub-Şərqi Asiya və Amerika ölkələrinə və bu ölkələrindən digər
kontinentlərə yüklərin çatdırılması zamanı əvəzedilməzdir. Mütəxəssislər yüklərin daşınmasını
bütün mərhələlərdə izləyir və yük haqqında müştərilər məlumatlandırılır.
Yük dəniz gəmilərinin ən geniş yayılmış növlərindən biri də rolkerdir. Bu yük gəmiləri xüsusi
təyinatlı olub, onlara yükləmə əməliyyatı iki üsulla həyata keçirilir.
a) Kran ilə (şaquli üsul )
b) Diyirlənmə ilə (üfiqi üsul )
Əsasən bu növ gəmilər müxtəlif
texnikanın, o cümlədən iriqabaritli yüklərin
daşınmasında istifadə olunur. Məsələn:
avtonəqliyyatı və xüsusi texnika, dəmiryolu
vaqonları və platformaları, evzapalletlərdə
(altlıqlarda) yerləşdirilmiş konteynerlər və
yüklər. Yükləməni yerinə yetirmək üçün xüsusi şərtlər tələb olunmur.
Dostları ilə paylaş: 
