II. Chetdan jalb qilingan mablag`larning manbalari
Banklarning qisqa muddatli kreditlari;
Banklarning o`rta muddatli kreditlari.
Banklarning uzoq muddatli kreditlari.
Qisqa muddatli qarzga olingan mablag`lar.
Uzoq muddatli qarzga olingan mablag`lar.
III. Ijtimoiy mahsulotni taqsimlashga doir majburiyatlar yoki hisob-kitoblar va har xil passivlar
Kreditor qarzlar:
a) mollar va xarajatlar uchun;
b) to`lanadigan veksellar bo`yicha;
d) olingan bo`nakar bo`yicha;
e) budjet bilan;
f) sug`urta bo`yicha;
j) mehnatga haq to`lashga doir;
yo) har xil kreditor qarzlar;
Xodimlar uchun olingan kreditlar;
Har xil passivlar.
Korxona mablag`larining xo`jalik jarayonlaridagi harakati Korxonalar xo`jalik mablag`lari belgilangan tartib bo`yicha xo`jalik jarayonlarida qatnashadi. Mahsulotni kengaytirilgan takror ishlab chiqarish esa xo`jalik jarayonlari orqali, xo`jalik mablag`larining to`xtovsiz davriy aylanishi natijasida sodir bo`ladi. Xo`jalik xo`jalik jarayonlari uch bosqichdan ta’minot, ishlab chiqarish va sotish jarayonlari iborat. Korxonaning xo`jalik faoliyatida bu jarayonlarning har biri alohida rol o`ynaydi va ularning har birida bir necha xo`jalik muomalalari amalga oshiriladi. Bunday xo`jalik muomalalarining ta’siri ostida, bir tomondan, ta’minot jarayonida qatnashayotgan xo`jalik mablag`lari ishlab chiqarish jarayoniga o`tib, ishlab chiqarish jarayonidagi xo`jalik mablag`lari esa sotish jarayoniga o`tsa, ikkinchi tomondan, sotish jarayonidagi xo`jalik mablag`lari yana ta’minot jarayoniga o`tadi. Natijada xo`jalik mablag`larining davriy aylanishi yana yangidan boshlanadi.
Ta’minot jarayoni shundan iboratki, korxona ishlab chiqarish faoliyatining normal borishi uchun muntazam ravishda hom-ashyo, materiallar, yarim tayyor mahsulot, yoqilg`i, shuningdek turli xildagi asosiy vositalar harid qilib turilishi zarur. Demak, ta’minot jarayoni ishlab chiqarish jarayoni uchun zarur vositalarni mol yetkazib beruvchilardan pulga sotib olib, korxonaga keltirish bilan chegaralanadi. Davriy aylanishning bu bosqichida ishlab chiqarish jarayonini normal olib borish uchun shart-sharoit yaratiladi.
