Tədqiqatın məqsədi və vəzifələri: Tədqiqatın məqsədi
nəzəri və təcrübi tədqiqatlar aparmaqla
maili istiqamətlənmiş quyuların səmərəli istismarını təmin edən
profillərin və neftçıxarma prosesində yataqların və mövcud profilli
istismsr quyularının işinin səmərəliliyini artırmaq üçün yeni texnoloji
optimallaşdırma tədbirlərinin işlənməsidir.
Məqsədə nail olmaq üçün aşağıdakı əsas məsələlər həll edilmişdir: ●
Maili
istiqamətlənmiş
quyuların
texniki-iqtisadi
göstəricilərinə əsasən profillərin qiymətləndirilməsi;
● İnklinometrik məlumatlara əsasən quyuların profillərinin
təhlili və lülənin əyilmə parametrlərinin mövcud istismar üsullarının
texnoloji proseslərinə olan təsirinin tədqiqi;
● Lülə profilinin hasilat quyularnın istismar əmsalına təsirinin
tədqiqi;
● Maili istiqamətlənmiş quyuların istismar göstəricilərinə görə
texnoloji optimal profillərin seçilməsi;
● Qazlift üsulu ilə işləyən quyuların profillərinin işçi agentin
sərfinə təsirinin tədqiqi;
● Mədən şəraitində geoloji-texniki tədbirlərin aparılması üçün
qərarların qəbul edilməsi məsələlərinin faydalılıq nəzəriyyəsi tətbiq
etməklə əsaslandırılması;
● Nanobentonit struktura malik dispers maye sistemlərin
işlənməsi və qeyri-bircins layların neftveriminin artırılması
texnologiyasının yaradılması;
● Maili istiqamətlənmiş quyularda sulaşmanın səbəblərinin
təhlili və suyun təcrid edilməsi texnologiyasının işlənməsi;
● Hasilat quyularda qum təzahürünün törətdiyi fəsadlar və qum
tıxacının aradan qaldırılması üçün nanotexnologiyanın işlənməsi;
● Fiziki sahələrin tətbiqi ilə quyuların işinin səmərəliliyini
artırmaq üçün quyudibi zonaya təsir üsullarının texnika və
texnologiyasının işlənməsi.
