Maldarlıq Qaramal və onun bioloji xüsusiyyətləri Camış və onun bioloji xüsusiyyətləri Zebu və onun bioloji xüsusiyyətləri
Yüklə 296,85 Kb. Pdf görüntüsü
|
|
Yelinin qurluşu
– inəyin yelini dörd paycıqdan ibarət olub, hər bir payda axarları ilə bir-biri ilə birləşməyən əmcəklər olur. Yelinin ön hissəsi arxa hissəyə nisbətən kiçik olur. Yelinin xarici çox qırışlı, elastik dəri ilə örtülmüşdür. Yelinin hər bir payı bir-birindən arakəsmə ilə ayrılır və bu arakəsmə yelini saxlayaraq onu dəriyə bərkidir. Yelinin əzələ hissəsi birləşdirici toxumadan təşkil olunmuş və bu birləşdirici toxuma kürəcikləri yelini ayrı-ayrı paylara ayırır. Bu paycıqlar külli miqdarda xırda alveollardan ibarətdir və bu alveolların diametri 0,1-0,4 mm-dir. Alveolların daxili vəzli bir təbəqəli epitelilərdən ibarətdir. Alveolların bu hissəsində süd əmələ gəlir. Alveollara isə çox sıx qan kapillyarları daxil olur. Alveolların xarici tərəfində miepiteli toxumaları vardır ki, bunlar ulduz şəklində olub, alveollardan südün çıxmasında böyük rol oynayırlar. Onlar yığılaraq alveolları sıxır və südün axarlara axmasını tənzimləyir. Alveollardan çox zərif axım boruları çıxır ki, süd bunlarla axaraq süd axarlarına, onlardan birləşərək süd boruları, süd boruları da birləşərək süd çənini əmələ gətirir. Bundan aşağıda isə əmcəklər yerləşir (şəkil…) Yelinin vəzli toxuması hər bir tərəfdən sıx birləşdirici toxuma ilə örtülü olur ki, bu qanla və sinirlə təchiz olunub. Ən əlverişli yelin qabaq və arxa tərəfə eyni bərabərdə inkişaflı, enli və dərin olmaqla, silindir şəkilli aşağı yönəlmiş əmcəklərdən ibarət olmalıdır. Belə formalı yelin arzuolunan sayılmaqla fincana bənzər yelin adlanır. Arzuolunmaz formalı yelinin hər dörd payı eyni bərabər ölçüdə olmayır, yelin qabaq və ya arxa tərəfdə çox yerləşir, əmcəklər qısa formada olur, yelində vəzli toxuma əvəzinə piy toxuması çox toplanır, bəzi yelin həddən çox sallanmış olur ki, inəklərin qocalmasından bu vəziyyət alınır. Bəzi inəklərin isə əmcəkləri çox bərk olduğundan belə inəklər çətin sağılır. Odur ki, bu göstərilən qurluşlu və formalı yelinə malik inəkləri sürüdən çıxdaş etmək lazımdır. Bəzi inəklərin isə əmcəklərinin ucundakı sfinktorlar çox boş olduğundan, yelin südlə dolanda ondan öz-özünə süd axmağa başlayır. Yüklə 296,85 Kb. Dostları ilə paylaş:
|