Maliyyə hesabatı

Düzəliş məbləğləri nəzərə alınmaqla dövr ərzində mənfəət və zərərlər haqqında hesabatın düzəliş cədvəlinin fraqmentləri

Maddələr	Düzəlişə qədər olan məbləğ, man.	Düzəliş məbləği, man.	Düzəliş nəzərə alınmaqla məbləğ, man.
Gəlirlər	920000	1146700	2066700
Xərclərin maya dəyəri	620000	32600	652600
Xalis pul maddələri üzrə zərər	-	-	99300
Mənfəət	1540000	-	1314800

Maliyyə hesabatı cari dəyər əsasında hazırlandıqda balansın bir sıra maddələrinin düzəlişə ehtiyacı olmur. Belə ki, həmin maddələr artıq hesabat tarixinə qüvvədə olan bərpa dəyərinin ölçü vahidləri ilə verilmişdir. İlkin dəyərlə verilən maddələrdə əvvəllər araşdırılan qiymətlərlə düzəliş aparıl- malıdır. Mənfəət və zərərlər haqqında hesabatın maddələri hesabat tarixinə qüvvədə olan ölçü vahidlərinə uyğun olaraq qiymətin dəyişilməsinin ümumi indeksi yolu ilə düzəlişə məruz qalmalıdır.

30№-li Standart pul vəsaitlərinin hərəkəti haqqında hesabat da bütün maddələrin hesabat tarixində qüvvədə olan qiymətləndirmə vahidləri ilə əks olunmasını tələb edir.
Əvvəlki hesabat dövrü üzrə müvafiq rəqəmlər, onların ilkin dəyəri və ya cari dəyərə əsaslandırılmasından asılı olmayaraq, birləşdirilmiş (kon- solidə olunmuş) maliyyə hesabatları hesabat dövrünün sonunda qüvvədə olan qiymətləndirmə vahidləri ilə təqdim olunacaq şəkildə, ümumi qiymət indeksi tətbiq edilməklə yenidən təqdim olunur. Daha erkən dövrlər üzrə açıqlanan məlumatlar, həmçinin hesabat dövrünün sonunda qüvvədə olan qiymətləndirmə vahidləri ilə təqdim olunur. Müqayisəli məbləğlərin başqa təqdimat valyutasında əks etdirilməsi məqsədilə «Xarici valyuta məzənnələrində dəyişikliklərin uçotu üzrə» 22№-li MMUS tətbiq olunur.

5.