MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
16
3.
Irki ýaşly çagalaryň sözleýşiniň ösüşi
Irki ýaşly çagalaryň sözleýşi.
Terbiýeçiniň çagalaryň sözleýşini ösdürmekde alyp barýan işleri.
Çaga dünýä inen gününden başlap, ony hemmetaraplaýyn
terbiýelemek işi başlanýar. Şeýle terbiýeçilik çäreleriň biride olaryň
görüş, eşidiş organlaryny formirlemekde, olarda emosional ýagdaý
döretmekden ybaratdyr. Çagalarda emosional ýagdaý bolanda ol
ýylgyrýar, gülýär. Bu hem onuň ösüşine örän gowy täsir edýär. “Çagalar
bagynda okatmagyň we terbiýelemegiň maksatnamasy” Çagalaryň 1-nji
ýaşynyň ösüşi 4-döwre bölünýär. Her bir döwrüň öz terbiýeçilik wezipesi
hem-de maksady we usullary bardyr.
1-nji Döwür–Çaga doglanda 2,5-3 aýlyga çenli döwri öz içine alýar.
Bu döwürde esasan, çagalaryň görüş we eşidiş organlaryny ösdürmekden
ybaratdyr. Terbiýeçi çagalara bir ýyldyrawuk ýa-da açyk reňkdäki
oýnawaçlara seretmekligi, ony hereketlendirip
çaga öz gözi bilen
yzarlamak işlerini edýär. Çagalara dürli sesleri eşitmegi onuň hereketini
yzarlamagy öwredýär, munuň üçin adam sesinden, aýdym-sazdan ses
çykarylýan oýnawaçlardan peýdalanylýar. Çagalar bilen yzygiderli iş
geçirilende çagalaryň hereketi, ýüz mimikasy, ses çykarmak ukyby peýda
bolýar. Hemde muňa “ Konpleks ezibeleniýa ” diýilýär. Bir aýyň içindäki
çagalar bilen terbiýeçilik işleri olara seredilip otyrylan wagtynda alnyp
barylmalydyr. Terbiýeçi çagalary rahatlandyrmak üçin onuň bilen örän
mylaýymlyk bilen çagalaryň elini, aýaklaryny, arkasyny sypalaýar.
Terbiýeçi hem ýene şeýle işleri ýerine ýetiren wagtynda onuň bilen
gürleşýär. Gürleşmek örän ýönekeýdir. Esasy zat çagany
rahatlandyrmaly. Öz söýgi duýguňy çagalara bildirmeli. Meselem:
(Begençjik aglama, häzir saňa nahar berjek, sen garnyňy doýurarsyň,
soňra uklarsyň men seniň üstüňi gowja ýapyp ýatyraryn). Terbiýeçi bu
sözleri çyn ýürekden, örän süýji sözler bilen güler ýüz bilen aýtmalydyr.
MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
17
2-nji Döwür–Çaga ösüşiniň 2,5-3 aýlykdan 5-6 aýlyga çenli döwri
degişlidir. Çagalaryň hemmetaraplaýyn ösüşi dowam edýär. Çagalaryň
ses çykarmagynda käbir sesleri aýtmagynda özbaşdaklyk peýda bolýar.
3-4 aýlyk çagalar bogazdan peýdalanyp ses çykarýar. 5-aýlykda uzyn
çekimli sesleri aýdyp başlaýar. Meselem: Ba-ba-ba, ka-ka-ka.
Çagalaryň şu zatlary aýtmaklygynyň örän terbiýeçilik ähmiýeti
bardyr. Maksatnama bu ýaşdaky çagalar bilen ýörite meşgullanmalary
geçirmekligi talap edýär. Çagalar bilen meşgullanmalar her gün 5-6 minut
3-4 çagadan toparlar boýunça geçirilýär.
Çagalar bagynyň wezipesi
çaga aragatnaşykda bolmagy
öwretmekden, onda islegi emele getirmekden, islegi amal etmek üçin
bilimleri, başarnyklary döretmekden ybaratdyr. Şoňa görä-de, şu
meselede ene diliniň ähmiýeti biçak uludyr.
Mugallym, terbiýeçi çagalaryň ýaş aýratynlyklaryny we olaryň
öwrediljek maglumaty kabul etmek taýýarlygyny,
olara öwretmek
usulyny saýlamaly, sebäbi bir ýaşdaky çagalar üçin gyzykly zat beýleki
bir ýaşdaky çagalary gyzyklandyrmazlygy mümkin.
Şol bir usuly dürli mugallym, dürli terbiýeçi dürli hili ulanmagy
tebigydyr, sebäbi bu ýagdaý terbiýeçiniň, mugallymyň şahsy häsiýetine
baglydyr. Islendik adamyň özüne mahsus ýetmezçiligi-de, artykmaçlygy-
da bolup biler. Mundan başga-da şol usuly tapanyň özi-de dürli toparda
dürli hili peýdalanar, sebäbi bu ýagdaý toparbaşyň taýýarlygyna
baglydyr. Şeýlelikde islendik usuly durmuşa geçirmek üçin ony toparyň
zerurlygyna laýyklykda alyp barmaly. Usuly çaganyň
fiziologik we
psihologik aýratynlygyna görä, ýagny güýçli ýa gowşak çaga görä
ulanmaly bolýar. Şoňa görä-de, usul elmydama maýyşgak bolmalydyr
Okatmagyň şertini üýtgetmek bilen usul hem üýtgäp biler.
Dostları ilə paylaş: