Microsoft Word 00 KeyNote Speakers Materiallar
Bazarın marka genişlənməsinin müvəffəqiyətinə təsir edən faktorları aşağıdakı formada
Yüklə 22,28 Mb. Pdf görüntüsü
|
- Bu səhifədəki naviqasiya:
- BÖHRAN DÖVRÜNDƏ XİDMƏT SEKTORUNDA BRENDLƏŞMƏ STRATEGİYASI
- IV INTERNATIONAL SCIENTIFIC CONFERENCE OF YOUNG RESEARCHERS
- LOGİSTİKA İNKİŞAFIN HƏRƏKƏT VERİCİ QÜVVƏSİ KİMİ Təmraz HƏMİDOV
- THE FUTURE VIEW FOR HRM: E-HRM Mehman HEYDEROV
- Technological development
|
Bazarın marka genişlənməsinin müvəffəqiyətinə təsir edən faktorları aşağıdakı formada ümümiləşdirmək olar: Genişlənmənin uğuru genişlənmə edən firmanın böyüklüyü, marka sayı, bazar payı, marketinq araşdırma qabiliyyəti, əsas markanın gücü, simvolik dəyəri və genişlənmənin marketinq dəstəyi və bazara giriş sırasına bağlı olduğu müdafiə olunmaqdadır. Marka genişlənməsilə əlaqəli edilən araşdırmalarda aşağıdakı faktorların marka genişlənməsinin uğurunda böyük payı vardır: UYĞUNLUQ Marka genişlənmə ilə uyğun olmalıdır. Müştərilər marka konseptinin genişlənməsinin üzırindı olmasından narahat olmamalıdır. Əgər istehlakçı uyğunluqda əksiklik hiss edərsə buna fokslanacaq və markanın genişlənməsini heç bir şəkildə istəməyəcəkdir. KEYFİYYƏT Hər bir sahədə keyfiyyətinin yüksək olması rəqabət üstünlüyü yaradır. Misal olaraq General Elektrik ya da Toshiba, Mitsubishi kimi bir çox Yapon və Koreya firması bilinən keyfiyyəti sayəsində bir çox fərqli məhsul sinifində markalarını genişləndirmişlər. BAZARA DAXİL OLMA SIRASI Markanın ilk genişləndirilməsi şirkətin tətbiq etdiyi bəzi strategiyaları inkişaf etdirib bəzilərini daha da zəyiflədə bilər. Bu isə öz növbəsində gələcəkdə olacaq bəzi genişlənmələrə əngəl törədə, bəzilərinə isə şərait yaradacaqdır. Bu səbəbdən ilk genişlənməni etmədən öncə hansı strategiyanın marka məhsul grupuna bir uyğunluq məntiqi, fərqlilik nöqtəsi və üstünlük qazandırdığı mövzuları ətraflı araşdırmaq lazımdır. Misal olaraq Gillette traş bıçağı ilə tanınmış olsa da əvvəl bu məhsula yaxın olan Gillette Köpüyünü bazara çıxarılmış və bu məhsul kişilərin özünəqulluq məhsullarına keçid rolu oynamış, hətta zamanla qadınlar üçün də məhsullar istehsal etməyə başlamışdır. MARKAYLA ƏLAQƏLİ MƏHSULLARIN SAYI Bəzən bir marka adı altında çox sayda məhsullar istehsal olunanda istehlakçılarda güvən yaradır. Misal olaraq Samsung firmasını göstərə bilərik, eyni çarka adı altında televizor, soyuducu, paltaryuyan, kompyuter, telefonlar istehsal edir. Güclü markaların genişləndirilməsi zəif markaların genişlənməsindən daha uğurlu olur. Güclü reklam dəstəyi alan genişlənmələr reklam dəstəyi az olan markalara görə daha uğurlu olur.
Nəticə olaraq qeyd etmək istərdim ki, böhranlı dövr şirkətlər üçün mühüm bir fürsətə çevril- məlidir. Belə ki, böhranlı vəziyətdə şirkətin marka genişləndirilməsi potensial istehlakçılar üçün fürsətlər əlavə edərək markanın elastik qalmasına, gözlənilməz satış artımı olmasa da yeni müştəriləri cəlb edərək satışın artmasına kömək edəcəkdir. Markanın genişləndirilməsi yeni məhsulun mənimsənilməsinə ayrılacaq zaman və xərclərə qənaət etməyə kömək edir. Bir çox firma xərclər və zaman probleminə görə bu strategiyanı tətbiq etməsi çox mühümdür.
IV INTERNATIONAL SCIENTIFIC CONFERENCE OF YOUNG RESEARCHERS
662 Qafqaz University 29-30 April 2016, Baku, Azerbaijan BÖHRAN DÖVRÜNDƏ XİDMƏT SEKTORUNDA BRENDLƏŞMƏ STRATEGİYASI
Azərbaycan Dövlət İqtisad Universiteti
AZƏRBAYCAN
Sahibkarlıq fəaliyyətlərinin ictimaiyyət arasında tanınması, o cümlədən məhsul və ya xidmətlərin istehlakçıların ehtiyaclarına uyğunlaşdırılması funksiyasını öz üzərində götürən marketinq yeni dövrdə müasir spektrləri özündə cəmləməkdədir. Bir zamanlar yalnız mənfəət güdən sahibkarlıq fəaliyyətlərinin müraciət etdiyi marketinq, yeni dövrdə demək olar ki, biznesin bütün sahələrində öz rolunu nümayiş etdirə bilib. İstehlakçıların ehtiyaclarının qarşılanması və hədəf kütlənin məmnun edilməsi üçün məhsul və xidmətlərin istehsalı, istehlak mexanizminin izlənilməsi marketinqin müasir metodikasına daxil olmuşdur. Sinxron bağlılıq nəticəsində məhsul və xidmətlərin inkişaf səviyyəsi istehlakçı davranışlarına paralel olaraq inkişaf edir. Bu baxımdan xidmət sektoru iqtisadi fəaliyyətlər içərisində xüsusi pay sahibi olmağı bacarmışdır. Günümüzdə öz aktuallığını qoruyan prinsipial mövzulardan biri də böhrandır. Böhranın özəlliklə, sürətli və ani formada meydana gəlməsi, öncədən planlaşdırılmaması idarəetmə formasından asılı olmayaraq, bütün növ şirkətlər üçün birmənalı olaraq güc itkisi və performansa təsir edən hadisədir. Rəqabətin gərgin mühitdə müşahidə edildiyi bu dövrdə böhran bir sıra şirkətlərin missiya və vizyonlarını təhdid etməklə yanaşı, hətta bəzi hallarda köklü şəkildə dəyişdirə də bilir. Belə ki, rəqabət dövründə hücum taktikasını tətbiq edən şirkətlər, böhran dövründə müdafiəyəyə çəkilir və meydanı boş buraxırlar. Fəaliyyət növündən asılı olmadan şirkətlərin risklərə qarşı hazırlıqsız olması, fövqəladə hallarda planlaşdırma və qərarvermə mexanizmlərinin cəld icra olunmaması, tərəddütlər böhranın fəsadlarını dərinləşdirən faktorlardandır. Söylənilənlər nə qədər bədbinlik təəssüratı yaratsa da, nikbin notları da qeyd etmək lazımdır. Böhran bir şirkətə yeni informasiyalar və təcrübə qazandırması ilə yanaşı, yaranan təhlükələri fürsətlərə çevirərək gözlənilməz dönüş nöqtəsi təminatını da yarada bilər. Bu günə qədər yaşanan böhranların böyük əksəriyyəti uğursuzluq gətirsə də, bir sıra şirkətlərə savaşdan qalib ayırılmasına şərait yaratmışdır. Qarşıya çıxan bu potensial uğuru anlamaq, inkişaf etdirmək və nəticələri təhlil etmək, böhranın idarə edilməsinin kontekstini ifadə edir. Xidmət sahələrində böhranın idarə edilməsi prosesi - təhlükənin mənbəyinin dəqiq təyini, doğru əks reaksiya və mübarizə üsullarının seçimi ilə xarakterizə edilir. Müşahidələr onu göstərir ki, böhran ərəfəsində bu sahədə fəaliyyət göstərən şirkətlərdə xarici faktorlardan daha çox daxili faktorlar öz mənfi təsirini büruzə verir. Xidmət sektorunda fəaliyyət göstərən və böhranla mübarizəyə hazır olan şirkətlər bu dövrdə brendləşmə strategiyasını uğurla reallaşdıra bilər. Burda xüsusi diqqət çəkilməli məqam, şirkətlərin psixoloji olaraq gərginlikdən çıxa bilməsi və cəsarət nümayiş etdirərək hədəf seqment ilə effektiv kommunikasiyaya can atmasıdır. Böhran prosesinin bilinən mərhələlərində bendləşmənin “yol xəritəsi” hər bir şirkər üçün spesifikdir. Böhranın ilk siqnalların alınması ilə informasiyaların toplanması həyata keçirilir. Bu məlumatlar brendləşmə strategiyasının istiqamətini müəyyən edir. Yanlış infromasiya, yanlış strategiyaya dəlalət edir. Məhz, informasiyaya əsaslanaraq böhranın təsir gücündən asılı olaraq, məhsulyönümlü yoxsa müştəriyönümlü brend strategiyanın tətbiqi müəyyən edilir. Təcrübə onu göstərir ki, şirkətlər ən çox bu iki yol arasında qərar verməkdə tərəddüd çəkirlər. Belə ki, məhsulyönümlü strategiya qısamüddətli faydanı təmin edir. Bu yolla böhranın təsirləri minimallaşdırıla bilir. Müştəriyönümlü brendləşmə strategiyası isə uzunmüddətli faydanı təmin edir və sərmayənin geridönümlüyü müqayisədə daha gec baş verir. Böhran prosesində xidmət sahələrinin brendləşməsində açar faktorlar istehlakçının təsəvvürlərini yanıltmamaq, verilən vədi tutmaq, bu ərəfədə də müştərinin yanında olmaqdır. Əgər böhran şirkətin təqdim etdiyi xidmətin keyfiyyət indikatorunu təsirləndirirsə, brendləşmə amili arxa plana keçmiş olur. Uğur düsturu isə müştəri qrupunun təfəkküründə “pis gündə də, yaxşı gündə də əsl dost” brendi mövqeylənməsindədir. IV INTERNATIONAL SCIENTIFIC CONFERENCE OF YOUNG RESEARCHERS
663 Qafqaz University 29-30 April 2016, Baku, Azerbaijan Böhrana hazırlıq və qorunma mərhələsində şirkətin nəzərdə tutduğu mexanizmdə brendin missiyası dəyişilməz saxlanılmalıdır. Öncədən vurğulandığı kimi böhran olduqca cəld baş verir və hədəf seqment sadiq qaldığı brendinin dəyişimini (və ya dəyişməməsini) asanlıqla müşahidə edə bilir. Müşahidələr onu göstərir ki, bu mərhələdə şirkətlər brendin qorunması və yeni kommunikasiyaların yaradılmasına maraqlı olmurlar. Hətta bir sıra hallarda brendləşməyə xidmət edən maliyyə vəsaitləri əlavə xərc kimi dəyərləndirilərək ixtisar olunur. Bu da zamanla hədəf seqment ilə kommunikasiyanın kəsilməsinə, brendin unudulmasına, dolayısı yolla satışların və müştəri məmnuniyyətinin sürətlə aşağı düşməsinə gətirib çıxarır. Böhranın nəzarətə götürülməsi dönəmində şirkətin idarə heyətindəki şəxslərin verdiyi qərarlar prioritet əhəmiyyət daşıyır. Lokal bazarda fəaliyyət göstərən yerli şirkərlər bu cür hallarda daha çox status-kvonun qorunması və qərarsızlıq nümayiş etdirirlər. Bu isə öz növbəsində savaşda məğlubiyyəti və iflas prosesinin sürətlənməsini qəbul etmiş kimi qiymətləndirilir. Böhran prosesinin şirkətlərə qatdığı ən faydalı dəyər təcrübə və dəyərləndirmədir. Belə ki, şirkətlər nəticələri təhlil edərək, bu dönəmdə istehlakçıların davranış modelləri, satınalma tendensiyası, sosial-psixoloji yanaşma stili, yeni kommunikasiya modellərinin meydana çıxması kimi bir sıra dəyərli informasiyaları əldə edə bilirlər. Toplanan informasiyalar bir sonrakı böhran dövründə sektorda brendləşmə yolunda daha çevik, effektiv və manevretmə üstünlükləri təmin edəcəkdir. Böhranın dəf edilməsi və brendləşmə srategiyasının qurulmasında fədakarlıq miqdarının müəyyənləşdirilməsi də xüsusi nəzərdən keçirilməlidir. Şirkət malik olduğu resursları ən qısa zaman çərçivəsində nəzərdən keçirməli, brendin inşaasında təsir etməyən məsələləri ertələməlidir. İnsan qaynaqları, məhsul və qiymət siyasəti böhrana fəda edilən “qurban”lar siyahısında yer alması məqsədəuyğun hesab edilmir. Belə ki, şirkətin fəaliyyətinin ana xəttini təşkil edən bu nüansların böhrandan təsirlənməsi, hər istiqamətdə faydalı iş əmsalını mənfi istiqamətə çəkəcəkdir. Böhranı öncədən tam bir şəkildə müəyyənləşdirən konkret üsul yoxdur. Böhranla savaşdan qalib çıxmaq üçün uğurlu idarəçiyə və güclü idarəetmə mexanizminə malik olmaq şərtdir. Böhrana səbəb olan məsələlər soyuqqanlı və ciddi formada nəzarətdə saxlanılmalı, uzun müddətdə fəsad yaratmayacaq qərarlar verilməlidir.
LOGİSTİKA İNKİŞAFIN HƏRƏKƏT VERİCİ QÜVVƏSİ KİMİ Təmraz HƏMİDOV Qafqaz Universiteti tamraz.hamidov@gmail.com AZƏRBAYCAN
Qlobal səviyyədə rəqabət şirkətləri daha az xərclərlə daha keyfiyyətli məhsullar istehsal etməyə və onları müştəriyə ehtiyacı olduğu anda və ehtiyacı olduğu miqdarda çatdırmağa, bazar payını qorumağa məcbur edir. İstehsal xərclərinin yaxın olduğu bir mühitdə rəqabətə davam gətirmək üçün logistika istifadə oluna biləcək ən önəmli vasitədir. Bütün digər sektorlarla birbaşa əlaqəsi olan logistika beynəlxalq bazarlarda rəqabət üstünlüyünə nail olmaq üçün açar rolunu oynayır. Hal-hazırda logistika fəaliyyəti sadəcə olaraq mal və xidmətlərin hərəkəti ilə məhdudlaşmır və müştəridən sifarişin alınmasından ona lazım olan məhsulun çatdırılmasına, gömrük və tranzit sənədlərinin hazırlanmasından saxlanmaya qədər bütün prosesləri özündə birləşdirir. Hal-hazırda beynəlxalq logistika və onun tərkib hissəsi qlobal daşıma xidmətləri bazarı xərcləri minimallaşdırmaq və əlavə dəyər yaratmaq üçün həm şirkətlərin, həm də dövlətlərin diqqətini cəlb edir. Qlobal daşıma xidmətləri bazarı 2011-ci ildən bəri təxminən ildə 7 faiz böyüməklə dünyada ən yüksək inkişaf sürətinə malik olan sektordur. 2016-cı ildə yalnız bu sektorun gəlirinin 3.8 trilyon dolları keçəcəyi təxmin edilir. Hal-hazırda ABŞ qlobal daşınma xidmətləri bazarının 42 faizini özündə birləşdirir. Növbəti illərdə tələbin artması ilə logistika bazarının genişlənməsi yüksək inkişaf sürətinə malik olan Çinin, Hindistanın, digər Asiya dövlətlərinin, həmçinin Orta Şərq və Latın Amerikasının da bu sahədə önəminin güclənməsinə səbəb olacaq.
IV INTERNATIONAL SCIENTIFIC CONFERENCE OF YOUNG RESEARCHERS
664 Qafqaz University 29-30 April 2016, Baku, Azerbaijan Azərbaycan öz coğrafi mövqeyinə görə Avrasiyanın əsas quru və hava nəqliyyat dəhlizlərinin kəsişməsində yerləşmişdir. Belə ki Azərbaycan tarixən Avropa ilə Asiyanı birləşdirən qədim İpək Yolunun üzərində yerləşməklə bu mövqeyindən uğurla istifadə etmiş, malların daşınmasında əhəmiyyətli rol oynamışdır. Süveyş kanalının istifadəyə verilməsi ilə Avropa və Asiya arasında olan ticarət Afrika vasitəsilə həyata keçirilməyə başladıqda İpək Yolunun məhv olmasına və Azərbaycanın bu üstünlüyünün əhəmiyyətinin azalmasına baxmayaraq, cari çətinliklər və pirat təhlükələri İpək Yolunun yenidən istifadəsini gündəmə gətirmişdir. Yeni İpək Yolu adlandırılan bu marşrut xəttinin yenidən fəaliyyətə başlaması imkanları bu xətt üzrə yerləşən ölkələrin nəqliyyat infrastrukturunu bərpa etməsinə və yeni infrastrukturun yaradılmasına təkan verir. Bu xüsusiyyət düzgün istifadə edilərsə, ölkəmiz yalnız Avropa və Asiya, həmçinin şimal və cənub arasında tranzit körpüsü kimi deyil, həm də bölüşdürülmə mərkəzi kimi önəmini bərpa edə bilər. Azərbaycanda qeyri-neft sektorunun inkişafı potensialına uyğun olaraq nəqliyyat mövqeyi və ondan istifadə diqqət mərkəzindədir. Belə ki 2014-cü il ərzində ölkə iqtisadiyyatında yaradılan əlavə dəyər artımı tamamilə qeyri-neft sektorunun hesabına əldə olunmuşdur. 2014-cü ildə ölkə iqtisadiyyatının qeyri-neft sektorunun ÜDM-də xüsusi çəkisi 61.0% təşkil etmişdir ki, burada da 5 % nəqliyyat və anbar təsərrüfatının payına düşmüşdür. Azərbaycanda 2005-ci ildən 2014-cü ilədək nəqliyyat sektorundan gələn gəlirlər hər il artmışdır. 2008-ci ildən etibarən qlobal böhranın təsiri nəticəsində nəqliyyatdan gələn gəlirlərdən artım faizində enən trend müşayiət olunur. Artım faizində enmə əsasən neft kəməri vasitəsilə daşınmaların nəticəsində formalaşmışdır. Belə ki son illərdə cüzi istisna ilə yalnız boru kəmərindən gələn gəlirlərdə əvvəlki ilə nisbətən azalma müşahidə olunmuşdur. Hər bir nəqliyyat növünü ayrı-ayrılıqda nəzərdən keçirdikdə aydın olur ki, son illərdə ən yüksək gəlir neft daşınmasından əldə edilmişdir. Boru kəməri vasitəsilə daşınan məhsullardan gələn gəlir ən yüksək olmaqla, onu avtomobil nəqliyyatı izləyir. Belə ki avtomobil nəqliyyatına çəkilən xərclərlə gəlirlər arasında 600 milyon manatdan çox müsbət fərq yaranmışdır. Hava nəqliyyatından əldə olunan gəlir də yüksək olmasına baxmayaraq, bu sahəyə çəkilən əhəmiyyətli xərclər xalis gəlirin 70 milyon manatdan az olmasına səbəb olmuşdur. Əldə edilən gəliri xərcdən az olan dəniz nəqliyyatında yeni infrastruktur layihələri həyata keçirilərək gəlirlərin artması planlaşdırılır. Hal-hazırda da üzərində işlər davam edən layihə 34 ölkədən keçməklə, başlanğıcını Londondan alaraq Paris, Roma, İstanbul, Tiflis, Bakı, Aşqabad, Alma-Ata, Pekin kimi önəmli şəhərlərdən keçib Tokioda bitməsi planlaşdırılır.Layihənin iştirakçı dövlətlərə çox önəmli töhfələri vardır. İctimai, siyasi, strateji faydaları ilə yanaşı, iqtisadi olaraq İpək Yolunun inşası Avropa-Asiya nəqliyyat yolunun əhəmiyyətli ölçüdə qısalmasına, buna bağlı olaraq nəqliyyat xərclərinin azalmasına, malların daşıma müddətlərinin qısalmasına səbəb olmaqla iştirakçı ölkələr arasında ticarət əlaqələrin artmasına səbəb olacaq. Avropa Birliyi mütəxəssislərinə görə İpək Yolunun yenidən inşası yüklərin 2 dəfə tez və 30 % daha ucuz daşınmasına imkan verəcəkdir. Nəqliyyat dəhlizinin Azərbaycan hissəsində daşınacaq yük həcmi birinci mərhələ üçün 3 milyon ton, ikinci mərhələ üçün 5-8 milyon ton, üçüncü mərhələ üçün isə 15 milyon ton olacağı proq- nozlaşdırılır. Azad Ticarət Zonası (ATZ) təbii resurslarla zəngin olan ölkələrin, o cümlədən Azərbaycanın qeyri-neft sektorunu inkişaf etdirməkdən ötrü mühüm bir iqtisadi alətdir. Azərbaycan üçün ATZ yaradılmasıının əhəmiyyəti hələ illər öncə diqqət mərkəzində olmuş, prezident İlham Əliyev bu məqsədlə 2007-ci il 6 martda fərman (№ 538) imzalamışdır. Nazirlər Kabinetinə müvafiq qanunvericiliyi hazırlamaq üçün 1 ay vaxt verilmiş, həmçinin İqtisadi İnkişaf Nazirliyinə təklif olunan ATZ üçün optimal yerlərin müəyyən edilməsi tapşırılmışdır. ATZ qanunu bir sıra düzəlişlərdən sonra 2009-cu il 14 apreldə Prezident Əliyev tərəfindən imzalanmışdır. Qanun 2009-cu il iyununda qüvvəyə minmişdir. Bakının 70 km cənubunda yerləşən Ələt limanının 400 hektar ərazisindən 100 hektarı Ələt Beynəlxalq Logistik Mərkəzi (BLM) üçün ayrılmışdır. BLM-in tikintisi 3 mərhələdə həyata keçiriləcəyi planlaşdırılır ki, bunun da birinci mərhələsi artıq başlanılmışdır. 3-cü mərhələ başa çatdıqda limanın illik 25 milyon ton yük və 1 milyon TEU ötürmək qabiliyyəti olacaq ki, bununla da Ələt regionda ən böyük qeyri-neft yük emalı edən liman olacaq. 1-ci mərhələ tamamlandıqdan sonra liman 10 milyon ton yük və 40,000 TEU, 2-ci mərhələdə isə bu göstərici artaraq 17 milyon ton yük və 150,000 TEU götürmək qabiliyyətinə malik olacaq. IV INTERNATIONAL SCIENTIFIC CONFERENCE OF YOUNG RESEARCHERS
665 Qafqaz University 29-30 April 2016, Baku, Azerbaijan İkinci ATZ layihəsi Bakı Beynəlxalq Aeroportunda yaradıla bilər ki, aeroporta bitişik təxminən 850 hektarlıq geniş bir ərazini əhatə edəcəyi planlaşdırılır. 2008-ci ildə Dubay əsaslı şirkətin qiymətləndirməsinə əsasən layihə yüksək gəlirlidir və 11 il ərzində qoyulan investisiya geri qayıdacaq. Bakı Beynəlxalq Aeroportu ATZ tranzit daşımalar və ticarət, xüsusilə tez xarab olan məhsulların ixracı və yenidən ixracı məqsədilə əhəmiyyətli BXİ cəlb edəcəyi gözlənilir. Azərbaycanın logistik sahəsinin inkişafı üçün yeni infrastruktur layihələrini həyata keçirmək, köhnə sistemin təkmilləşdirilməsi, dünya təcrübəsinin və yeniliklərinin ölkəmizə gətirilməsi, həmçinin mövcud potensialımızdan optimal istifadə qarşıda duran əsas məqsədlərdən olmalıdır. Bunları yerinə yetirmək üçün həm nəqliyyat növlərinin, həm infrastrukturun, həm də insan potensialının birgə inkişafını təmin edən vahid strategiya hazırlanması və tətbiq edilməsinə ehtiyac var.
THE FUTURE VIEW FOR HRM: E-HRM Mehman HEYDEROV Qafqaz University heydarov.mehman@gmail.com AZERBAIJAN
developing markets. As a strategic business function, human resource management (HRM) is strongly affected by technological developments. It is often discussed that organisations use HRM mainly with operational focus, but not strategic. One of the reasons for this is the high volume of administrative tasks in HRM. These may include payroll, employee databases, documentation of new hirers. Therefore, technological development can lead HRM to be more strategic rather than operational through automation of processes. Technological development Industry of high technology has the highest speed of development among the all industries. It is vital that developments and changes in businesses are mainly driven by technological developments. In terms of change, World Economic Forum 2016 has emphasized the role of technological development in change (Reports: “The future of jobs” and “Mastering the fourth industrial revolution”). High tech companies are in the top of the largest companies of the world. This factor can be considered to be one of the causes of technological development and the results of technological development. Therefore, it can be recognised that technology is not only the way of development, but also the result of development. Furthermore, modern development concept is not separate from the technology. HRM also is not an exception among business functions, in this mean. The fastest developing technologies are mobile technologies and social networking solutions. In terms of HRM, not surprisingly, organisations tend to use mobile technologies for their businesses in order to achieve flexibility and efficiency. For instance, mobile recruitment can enable organisation to keep the contact with candidates and candidates to track their candidacy status fast. Furthermore, social media tools and social networking solutions are widely used by large corporations for different purposes from recruiting talents globally to new hire socialisation, from performance management to training needs assessment.
Benefits of e-HRM may include the following advantages: - Improved services for employees. Employee services are from the main function of HRM in organisations. These services are providing information about employees, legislation, contracting and leave authorisation, timesheets and salary verification and others. As e-HRM is started to be used in organisations, employees obtain flexible and easier access to self-services. Quality internal services can increase the employee happiness in the workplace and support motivation policy. Therefore, it is recognised that e-HRM gives high flexibility in service delivery. IV INTERNATIONAL SCIENTIFIC CONFERENCE OF YOUNG RESEARCHERS
666 Qafqaz University 29-30 April 2016, Baku, Azerbaijan - Saving on HRM costs. Electronic business processes enable organisations to save operation time and costs. Thus, HRM staff do not deal with daily administrative tasks which take significant part of work day. Furthermore, e-HRM does not need organisational to have additional office space, equipment and stationery costs. - Becoming a more strategic partner. HRM has been used mainly as administrative function for “paper tasks” after transition from personnel management to HRM for a time. Although currently it is not understood in this way, sometimes HRM deals with huge amount of “paper tasks” which undersees its strategic role and importance. Thus, e-HRM takes those tasks from HRM professionals in order to integrate to computers and smart technologies. To sum up, the major benefits of e-HRM can be recognised as more flexibility, less costs and more strategic opportunities. However, these cannot be limited with the above advantages. Further research is needed in order to identify more advantages of e-HRM.
Yüklə 22,28 Mb. Dostları ilə paylaş:
|