Microsoft Word etno kitab son srift 12
Yüklə 1,89 Mb. Pdf görüntüsü
|
|
ETNOPSİXOLOGİYA
223 Qız bəyənmədə əvvəlcə qızın ailəsinin nəsli, nəcabəti öyrənilir. Qızın hansı qəbiləyə mənsub olması, atasının nəsildə tutduğu mövqe, hörməti oğlan evində əsas meyar kimi dəyərləndirilir. Oğlanın atası və anası qızın özü, valideynləri, eləcə də yaxın qohum-qardaşı barədə ətraflı məlumat toplayırlar. Bu proses uğurlu başa çatarsa, yəni qızın özü və ailəsi arzulanan "meyarlara" uyğun gələrsə, oğlan evindən olan xanımlar qızın anasına və ya nənəsinə niyyətləri barədə xəbər göndərirlər. Suriyalılar adət və ənənələrə çox sadiqdirlər və bu özünü qəhvənin hazırlanmasından tutmuş toy adətlərinə qədər hər bir şeydə göstərir. Toy adətləri bütün ərəb ölkələrində oxşardır. Toy ayrıca bəy və gəlinin evində keçirilir. Çox təmtaraqlı, qonaqlı- qaralı olur. Toy günü güllər və balaca suvenirlər hədiyyə olaraq gətirirlər. Əsas hədiyyələr isə toydan sonra 5-ci gün verilir. Nigaha çox ciddi yanaşırlar, cəmiyyət uğursuz ailələrin yaranmaması üçün kompleks addımlar fikirləşib: 1) evlənmək istəyi fikri bütün qohumlar tərəfindən müzakirə edilməlidir, 2) qızın da fikri nəzərə alınmalıdır, 3) oğlan evlənmək fikrini maddi tərəfdən də təsdiqləməlidir. Ev, qızıl almağa pulu olmalıdır, ailəni saxlamaq üçün iş sahibi olmalıdır. Çox vaxt oğlanlar 25-30 yaşdan sonra evlənmək haqqında düşünürlər, qızları isə erkən ərə verirlər. Cavanlar dərk edirlər ki, nigah onların xarakterlərinin yoxlanılması deyil, gələcək həyatlarını müəyyənləşdirən hadisədir. Boşanma nadir hallarda baş verir. Rəsmi boşanma sadə bir prosesdir, ər 3 dəfə “talak” deyəndən sonra arvad ənənəyə uyğun olaraq həmin gün evi tərk etməlidir. Qanuna görə o, əynində nə varsa onunla çıxmalıdır. Buna görə ərəb qadınları bütün qızıllarını həmişə taxırlar. Yas mərasimləri də oxşardır. Cənazəni çox saxlamaq olmaz, həmin gün və ya səhər basdırırlar. Ailədə çox təmkinlə mərasimi keçirirlər, çox ağlamaq, qışqırmaq olmaz. Başsağlığını üç gün ərzində saat altıdan səkkizə qədər qəbul edirlər. İslam rəsmi din hesab olunur və hər bir müsəlmanın həyatı, hərəkəti, davranışı, fikirləri şəriət qanunları ilə tənzimlənir. |