Microsoft Word etno kitab son srift 12

ETNOPSİXOLOGİYA 
256 
eynidir. Ənənəvi vilayət kostyumlarının fərqi yalnız müxtəlif önlük 
və örtüklərlə seçilir.
Fransızlar özlərinin milli mətbəxləri ilə də fəxr edirlər. Hər 
bir fransız əyalətində ənənəvi xörəklərin olmasına baxmayaraq, 
fransızların qidasında ümumi xarakterik xüsusiyyətlər daha çoxdur. 
Onlar çoxlu tərəvəz və meyvələrdən istifadə edirlər. Pendir 
istehsalında fransızlar böyük ustalıq nümayiş etdirirlər. Fransız 
stolunun ayrılmaz atributu çaxır olduğundan, fransızlar çaxır 
istehsalına görə də dünyada birinci yerdə durur. Ən çox alma 
şərabına üstünlük verirlər.
Fransız xalqının başqa xalqlara münasibəti. Fransızlar daim 
özünü təsdiqə çalışırlar. Başqalarının qeybətini qırmağı sevirlər. 
Bununla belə, başqalarının özləri haqqında fikirlərinə həssalıqla 
yanaşırlar. Onlar qapalı ingilisdən, ciddi almandan daha 
ünsiyyətcil, italyanlara nisbətən daha ciddidirlər, lakin fransızların 
ünsiyyətcilliyi heç də birmənalı deyil. Əgər amerikalı tanışlıqdan 
yarım saat sonra əlini sənin ürəyinə vurur və evinə qonaq dəvət 
edərsə, fransız bunu etməz. Fransıza “sən deyə” müraciət etmək 
uzun vaxt tələb edir. Fransızların işğüzar həyatında şəxsi əlaqə və 
tanışlıq böyük rol oynayır. İşğüzar tanışlıq zamanı fransıza hökmən 
vizit kart verilir. Onlar tanışların təhsilinə də xüsusi fikir verirlər. 
Ona görə də vizit kartda təhsil aldığı müəssisənin adının 
göstərilməsi vacibdir. 
Fransızlar o qədər də dəqiq deyillər. Onların qəbullarının öz 
qaydası var. Daha yüksək statuslu şəxs bir qayda olaraq görüşə gec 
gəlir. Tutaq ki, siz firmanın prezidenti ilə şam yeməyinə dəvətlisi-
nizsə, arxayın ola bilərsiniz ki, o, ən azı yarım saat gecikəcək. Stol 
arxasında ənənəvi mövzu teatr, kino, sərgilər haqqında danışıqlar-
dan ibarət olur.
Fransızlar özlərini təqdim etmək qaydalarına xüsusi 
əhəmiyyət verirlər. Geyimə qarşı mühafizəkardırlar. Adətən zövqlə 
geyinirlər. Açıq, parlaq rənglərə üstünlük verirlər. Onlarda əzilmiş, 
ütüsüz paltarda gəzmək qəbahət sayılır. Qadınlar daş-qaş, zinət 
əşyaları taxmağı o qədər də xoşlamırlar. 

---